#rega
रजे नों
दाजा दुखु
गोर्बोखौ खामग्लिहोना
उसाव बादाव दाजा
बिखायाव दाहा लाना।
दं आं रजे
नोंखौनो अरायनि मिजिंथिना
नोंनि अननायखौ गोर्बोआव लाना।
हाया आं बाउनो
नोंनिनो बुंनाय राव
नोंनिनो अननाय
नोंनिनो महर।
गोरोन्थि जागोन आंहा
बावगारोब्ला नोंखौ।
नोंनोनो अननाय आं
गोर्बो बुंजासे
नोंखौनो फोथाइहोना
लुसोमना होग्रोदोंमोन।
Dec 11, 2015
Dec 11, 2015 at 6:36 AM UTC
थै थां जुजिगोन !
थै होगोन
जिउ बाउगोन
अराय देरहागोन।
मोनाब्ला जों जिराया !
बेयो जोंनिनो मोन्थाइखा
मोननांगौआव जों फावस'या
गिनानै जों थाया।
जोंनो गोजोनलेण्ड नांगौ !
जोंनो जौगानाय नांगौ
थांना थानायनि रैखा नांगौ
हगारना हो उदां अख्रांखौ।
हाया,
हाखाया,
गादबना दोनजानो
फिसा हारिबाबो।
जुजिगोन,
सिगांगोन,
मोन्थाइनि थाखाय
थांना थानायनि थाखाय।
जोंबो हारि
बुहुम बिखानि
मोन्थाइ जोंनि
नङा गुबुननि।
जों जिराया
जों मेङा
हारिखौ फोजाखांनायाव
आबुं जांख्रिथाइयाव।।
जेसेबांखि फान्दाया
जों गेजेन जाया
जों दलरै जिराया
जों हगारा।
बिखायाव गुलियानो नांआथों
मोदोमा थैसाम खायाथों
थादवा जों थादवा
होसिख्रावनाय जों दोनथ'वा।।
मुगैयो जोंखौ बिसोर
उन्दै हारि नोंसोर
अब्ला,
जोंनो उदां होदोना।।
सासे थैगोन
सान्थ्रिनि गुलियाव
थै जिरिगोन
बर'नि सिदलायाव
अजिफिनगोन
सान्थ्र'हायै बिग्रायारि
रैखागिरि हारिनि।
सोदोमस्रिनि मुखा
नोंसोर अन्थाइ बिखा
फिसा हारिनिखौ
फोजोबस्रांनो सिगांग्रा
गायसंनो नाजायो
गावनिल' गोहोखौ
देरहा हारि होनना
गुबुनखौ मुगैयो।।
Nov 22, 2015
Nov 22, 2015 at 9:22 AM UTC
सम सम मोदानो बिबारि फामे
सानजौफुनि गोरा सोरां रोदाजों
जोंथि-माथि दैनि गुथालजों
समाइयो हायनारियै आंनि बिखासे।
गुफुर उदांनि दुखारु दाउथु
फानजारिनि लामा मोनस' दाबो
बिरग्लांनायनि हाबिलाया जाफुंआखै दिनैबो
गोजोननि मिजिआं जोबथेजानाय सनालु।
हारि-माहारिनि हांगामायाव गोमालांनाय
खास्रि-बिस्रियै हां गोमानांनाय
जिउ बुलि दावहारुफोरा दाबोनो
सुथि मोनाखै जानांगौ अरायसेनो।
गोमो सिनि जाथाया दिनैबो
बारनि बुबथिंनायाव बिरनो हाख' जाबायदों
आरो सिदोब अखानि मेगन सानायजों
सुथि मोनाखै मुंख्लं जोहोलाउ-जोहालाउजो।
Dec 17, 2015
Dec 17, 2015 at 7:54 AM UTC