Hindi ko kayang ipangako ang langit, bituin, at buwan sa gabi
Hindi ko ipagkakait ang eksena na maglalapit sa mga labi
Kung saksi ang dilim at ang oras sa pagkakataon na ito,
Hayaan ang testigo na iligtas tayo sa korteng mapangmata
Alam kong hindi mali ito, nais nating maging tapat dito
Mga tulang ang tema lagi ay gabing payapa at tahimik
Pero sa pagkakataong ito, ikaw ang paksang walang imik
Pinapakiramdaman mo kung ito ay isang palipas panaginip
Kung ang pangako ay sisibol sa pagtagal, huwag kang mainip
Dahil ang pag-ibig ko'y totoo at nais kong masagip at sumagip