#kape
Sa mesa ng Dunkin, tasa’y malamig,
Kape sa papel, lasang panaginip.
May marka ng labi sa gilid ng tasa,
Parang halik na naiwang walang paalam na sinta.
Nagkakape ako, pero di para gisingin,
Kundi para damhin ang mga hindi ko maamin.
Sa bawat higop, may lihim na usapan,
Na para bang multo ng nakaraan ang ka-table ko minsan.
May donut sa plato, butas sa gitna,
Tulad ng puso kong may kulang at sira.
Sugar glaze na pilit nagpapasaya,
Pero ang tamis, panandaliang pantasya.
Ang pader ng café ay puno ng ingay,
Pero sa loob ko'y katahimikan ang tunay.
Nagbabasa sila ng menu, ako ng alaala,
At sa likod ng aroma, may sakit na kumakawala.
‘Pag naubos ang kape, saka mo mapapansin,
Na minsan pala, ang Dunkin ay libing.
Hindi ng tao, kundi ng damdamin—
Na matagal nang nilimot pero ayaw pa ring limutin.
May 29, 2025
May 29, 2025 at 11:54 PM UTC
Sa sulok ng Starbucks, naupo ako mag-isa,
Tasa’y may pangalan—pero di ko kilala.
Mocha sa loob, mainit na itim,
Parang damdaming pinilit kong takpan sa dilim.
May pangalan sa cup, sulat kamay ng crew,
Pero ang tanong: “Alin ba sa’kin ang totoo sa view?”
Grande ang size, pero hungkag sa laman,
Tulad ng puso kong pagod na magmahal nang lubusan.
Naghalong caffeine at hiningang mabigat,
Bawat lagok, may tanong na di ko mailapat.
Bakit tila lahat ng mabango ay may kirot?
At ang tamis sa dulo, parang huling halik bago lubos na pagkalagot?
May wi-fi at jazz, pero ang isip ko’y lagalag,
Habang ang sugat sa loob, dahan-dahang bumibiyak.
Barista’y ngumiti, sabi’y “enjoy your brew,”
Di niya alam, ito ang huling tasa bago ako maglaho sa view.
Lahat busy sa MacBook, ako busy sa multo,
Mga alaala **** ininom ko ng buo.
At sa dulo ng cup, may mensaheng nakasulat:
"Some stories begin with coffee..."
...pero ‘yung sa’tin, doon natapos ang lahat.
May 29, 2025
May 29, 2025 at 11:52 PM UTC
Umalingawngaw
ang huni ng mga ibon
sa bukang liwayway.
Ilang minuto rin akong naghintay
hanggang sa kumulo na
ang tubig;
at nagsalin ako
sa baso,
nilagyan ng kape't asukal
saka maingat na kinutaw
gamit ang malamig na kutsara
saka hinipan ang pinakaunang nasandok
at nang aking malasahan
ay unti-unting nagbalik
sa akin ang nakaraan
kasama si amang nabubuhay pa't
tanaw kong umiinom
ng kape...
sa lilingkuran.
Apr 22, 2019
Apr 22, 2019 at 12:25 AM UTC
GISING!
mainit na kape
natutumbang mga mata
nanghihinang katawan
isip ko'y nawawala
isang tinik ng ingay
agad ng napatingin
sa gawing banda roon
anong takot sa dilim
balik tayo sa mga salitang
mala-linya na ang ukit
sa utak kong sabaw
lahat sa paningin na'y marikit
maski nag-iisang ilaw
nagmumukha ng tutubi
pagkat sa pagdating ng bukas
bawal ang magkamali
ilang pahina nalang
kaya't konti pang tiis
minimithing tagumpay
aking makakamit
kaya't higop pa ng kape
puta, dila ko pa'y nasunog
dasal na lamang ang katapat
maliban sa luha at uhog
kakayanin, kakayanin
hindi nais magtagal
habang sila'y nagsasaya
narito kang nag-aaral
kung ayaw **** maiwan
sa kwartong maputi
kasama ng demonyo
gisingin ang sarili
walang alay na magaganap
hindi maaaring ipabahala
bawal tayong magtawag
diyos-diyosan dito sa lupa
itong mga matang
bumibitaw, bumibitaw
sa gabing ito, walang susuko
maski budhi ko na'y sabaw
Oct 4, 2015
Oct 4, 2015 at 2:17 AM UTC
Ondo! Hain naman tong atong kasabutan
nga kita maghigugma-ay pooreber?
Ni bugnaw nalang ning kape
og ni gahi nalang ang pan,
sa sigeg huwat nimu nga ma-abot ka
sa akung atubangan.
Ako gikapoy na og susama sa kapeng bugnaw
nga nahanaw ang katam-is
og napuno sa kapa-it akung dughan.
Sep 12, 2014
Sep 12, 2014 at 2:23 AM UTC