#jiraia
बे दाहाया माब्लाबानिनो
जोंनि सहायनांनाय जिउनि
मेगन थासेयावबो
जों सानैसोआ खाना
गोर्बो थासेयाव अन्थाइ बिखा
आखाइ दंब्लाबो बेंगुरा
आथिं दंब्लाबो लेंग्रा
खोमा थासेयावबो खोमानि फरदा फांथेनाय
आरोलाय बिसोर पेरेलाइसिस् जाबाय।
नाथाय जों जिराया
नोंसोरनि पेरेलाइसिसनि खुगा फेननायाव
जोंनि आथिंआ रुबायरोङा
जोंनि मोननांगौखौ मोनाब्ला
मानोना,
जोंहा दखरसे सायख्लुम गैया
मेंनाय सोलेरखौ दलरै दोननो।
जोंनि हब्रानाय गारामाया रानखांरोङा
रानखांरोङा,गर'दसे दैनि फुंखा गैयि।
आखाइ जोंनि खान्दा नङा
उदां अख्रां दांनो मोनियाव
मेगन जोंनि हाइपारमेट्रपिया नङा
थावनि मोनहैयियाव
खोमा जोंनि बेंगा नङा
फंसे सोदोब होयियाव
आरो जोंहा पेरेलाइसिस् जायाखै
बेराम साग्लोबदों नाथायबा
दलरै जिरायना थानो सुखुयै
सिरियै जुथे जना थानो हायै।
जों दावबायगोन दावबायथारगोन
जों होसोगोन होसोथारगोन
जों जिराया मानोना
थांखिया जोंनि लोरबां नङा
जोंनो उदांसो नांगौ।
Nov 24, 2015
Nov 24, 2015 at 2:43 AM UTC