#jacobite
Cam ye o'er frae France? Cam ye down by London?
Saw ye Geordie Whelps and his bonny woman?
Were ye at the place called the Kittle Housie?
Saw ye Geordie's grace riding on a goosie?
Geordie, he's a man there is little doubt
He does all he can, who would do without?
Down there came a blade linkin' like a lordie;
He would drive a trade at the loom o' Geordie.
Though the plaid were bad, blythly did we niffer;
Gin we get a wab, it makes little differ.
We have tint our plaid, bonnet, belt and swordie,
Halls and mailings braid—but we have our Geordie!
Jocky's gane to France and Montgomery's lady;
There they'll learn to dance: Madam, are ye ready?
They'll be back belive, belted, brisk and lordly;
Brawly may they thrive to dance a jig wi' Geordie!
Hey for Sandy Don! Hey for Cockolorum!
Hey for Bobbing John and his Highland Quorum!
Many a sword and lance swings a Highland hurdie;
How they'll skip and dance o'er the *** o' Geordie!
Mar 2, 2015
Mar 2, 2015 at 5:35 PM UTC