#filipinopoem
Maski ikaw maguguluhan sa kung paano kita nagustuhan, ikaw naman kasi wala ka manlang pakiramdam.
Walang pangungusap,
Puro amba lang.
Jun 16, 2025
Jun 16, 2025 at 2:01 PM UTC
tsansa lang ang hinihingi
bakit di mo mabigay?
hindi ka pa handa, o
sadyang may hinihintay?
hindi ko lang inaasahan,
masyado bang biglaan?
ang lihim na pag-ibig ko'y
nang iyong malaman?
mukhang malabo pa siguro,
malabo hanggang dulo
hayaan mo munang i-proseso ko
at isaulo
nung sinabi ****
'hindi ko kayang suklian
ang pag-ibig mo'
Jun 7, 2025
Jun 7, 2025 at 11:09 AM UTC
Ano nga ba ang layunin at
gusto kong marating?
Mananatili nalang ba sa ilalim
at ilihim na kailangan ko ng
tulong at sasagip sa akin?
Apr 27, 2025
Apr 27, 2025 at 1:30 PM UTC
Mata ay "dumilat"
Saklap sa "dumi" ay namulat
Hawak ang kwaderno't panulat
Maduming sistemang di na nakakagulat
Mahirap o mayaman, anong pinagkaiba?
Parehas na tao estado lang ang naiba
Pero sabi ng iba pantay lamang ang dalawa
Ngunit pag may kaya ang nag kasala wala nang kaso basta may kwarta
Masyadong inabuso, sinolo ang pwesto
Kapangyarihang hindi nagagamit ng tuwid at diretso
Pag tinutukan mo ng kamera magbabago't magmamano
Pag salat kahit wala pang warrant agad na arestado
Mabagal at di balanse na hustisya
Bumabase nalang sa kung sinong malaki ang kita
Ano na pambihira, utak lalo humihina
Tara na't halika, isambit mo ang mga di tamang nakikita
Mar 10, 2025
Mar 10, 2025 at 2:52 PM UTC
kapayapaan paano mararanasan?
kung kapwa mo pilipino
tingin sayo kalaban
kada talikod mo
nagagawa kang pag-usapan
mga taong hanggang dun nalang
at di kayang masabi ng harapan
maituturing bang kapayapaan
ang pakikipaghatakan pababa at walang ibang
ginawa kundi mangialam sa buhay ng iba
mga taong nagsasabing "magpakatotoo ka lang." tapos huhusgahan ka nila?
mga literal na utak talangka
lalo na kayong dumadami, kailangan na ng bangka
maging maliit na "KITA" galing sa dugo't pawis pinupuna.
kailan kaya kayo mauuntog sa bato at sasabihing " ako'y natuto na."
Daig pa ang hukom kung manghusga
ubos ang salapi, sa kakapusta
sa mga kwentong nagpasalin salin sa bibig ng iba.
pati pagiging mapangmata,
ginawa ng katawa-tawa.
paano mo mararanasan ang nais **** kapayapaan?
kung ayaw **** iwanan dati
**** nakasanayan
niluluwa mo pati sarili **** bayan,
nagmamataas kahit wala pang napatunayan.
hayaan mo akong tulungan ka sa iyong kalagayan
pusong puno nang galit kailangan mo nang tigilan
Lawakan mo ang isip at iyong laliman na kahit 'magkakaiba man tayo ng pinanggalingan, ay iisa lang naman tayo ng bansang sinilangan'
Mar 8, 2025
Mar 8, 2025 at 12:35 PM UTC
Minsan,
gusto kong itali ka sa dito puso ko,
pero
mas gugustuhin kong ako'y hawakan mo,
at ipagsigaw sa buong mundo
na ako'y sa iyo
at ika'y akin lamang.
Oct 5, 2023
Oct 5, 2023 at 12:17 AM UTC
Akala ko, di ko naman siguro ikakamatay,
Kung hindi ko mahawakan ang iyong mga kamay.
pero
Hindi ko yata tanggap ang buhay
Kung saan di man lang ako sumubok magtagumpay.
Handa akong harapin ang katutuhanan,
Kahit pa ito ay walang katiyakan,
Kahit pa may pangamba sa iyong kasagutan.
Jun 26, 2023
Jun 26, 2023 at 1:52 AM UTC
Minsan
tayo'y pinaglalaruan
ng tadhanang mapaglinlang.
Kung kailan
buo na ang loob ****
isugal ang buo **** pagkatao.
Tsaka naman siya
hindi sigurado sa iyo.
Jun 25, 2023
Jun 25, 2023 at 4:57 AM UTC
Akala ko ako'y kanyang pahinga,
Pero yun pala,
Isa ako sa mga bagaheng pinapasan nya.
Jun 22, 2023
Jun 22, 2023 at 8:40 AM UTC
Sa ilalim nitong mga ngiti at tawa,
ay isang pusong nangungulila
na puno ng mga hikbi at dalita.
Kailan kaya kita muling makita?
Kailan muli masilayan matamis **** tawa?
Kailan ulit kita mayakap aking sinta?
May 30, 2023
May 30, 2023 at 3:14 AM UTC
Ang turing kaibigan lang
ay sana'y
magiging ka ibigan
sa walang hanggan
Apr 22, 2023
Apr 22, 2023 at 9:06 PM UTC
Tama nga sila
na sa simula lang masaya,
Kasi simula nung nakilala kita,
lagi na akong masaya.
Apr 19, 2023
Apr 19, 2023 at 3:12 AM UTC
Nasa dulo na ng aking dila,
ang mga hinahanap na kataga.
Maraming nais ibigkas na talata,
pero ang buod ay nasa dalawang salita.
Mahal Kita.
Apr 4, 2023
Apr 4, 2023 at 8:13 AM UTC
Bahagyang pumanaw na ang uhaw
Sa mga bagay na nakakatunaw
Sa mga bagay na tuluyang umaagaw
Sa mga panahong tila naliligaw
Dumating na yata ang hangganan
At humarap na ng tuluyan
Sa laban na laging iniiwasan
Ng waring musmos na isipan
Ngunit magtutungo ng mag isa
Sa lugar na aking hinuhulma
Sa bawat hakbang hindi lumilinga
At sa harap ang tuon ng mga mata
Sana'y huli na nga
Sawa nang mag pa ika-ika
Pagod nang tumingala
At paulit-ulit na magsalita
Dec 23, 2022
Dec 23, 2022 at 7:19 AM UTC
Saan ka nga ba tumatakas
Sa anyo bang mapangahas
Na katangiang ipinamalas
Ng isang nag pupumiglas?
Tumahimik ka riyan!
Eto ang ating kaharian
Mariing pinahihintulutan
Tumakas ng lubusan
Bantayan ang mga salita!
Baka nakikinig ang bata
Nag pulong upang ipakita
Ang alam nating tama!
Hoy! Ikaw na nananahimik
Tila wala ka laging imik
Nakukuha **** mag hilik
Kahit ang hahat ay natitinik
Ano ang iyong nginangawa
Wala akong ginagawa
Masaya lang akong natutuwa
Ano ang aking magagawa?
Mga maginoo kumusta?
Hindi na po ako bata
Nais ko na pong lumaya
At subukang minsan ay madapa
O kaytagal nyo akong itinago
Iningatan sa pag papayo
Sa mundo ay inilayo
Sa takot na magpalalo
Ngunit ako'y handa na
Maari ko na bang bawiin ang luha?
Na matagal nyong kinuha
At ang pusong nangungulila?
Jul 26, 2022
Jul 26, 2022 at 1:51 PM UTC
Waring bihag na nais makawala
Sa gapos ng isang tanikala
At kahit walang mga salita
Ang tinig sa isip ay nagwawala
Ganap mo akong pinapatay
Unti-unti sa iyong mga kamay
Sa tuwing ako'y nasasanay
Sa aking ngiting hindi naman tunay
Marahil isa akong magaling na artista
Ikaw ang derektor sa pelikula
Ibibihis ang nais **** maskara
At ang puso ko ang iyong obra maestra
Hahayaan na lamang na ako ay hiramin
Waring manikang lalaruin
At kung magsawa na sa akin
Maaari mo na ba akong palayain?
-JGA
Sep 29, 2021
Sep 29, 2021 at 6:07 PM UTC
We use to glide
With nothing to hide
The smile we have
On a waltz we dance
May music won't end
Eternal dance to spend
We tried to hold
And grip with hope
But hope turned cold
My grip you no longer hold
The waltz changed its tone
And now I dance alone
Oct 7, 2020
Oct 7, 2020 at 6:10 AM UTC
Yayakapin ka nang mahigpit
Pinagkainan mo'y ako ang magliligpit
Tititigan ko pa rin ang mga mata mo
Kahit na malabo na ang paningin ko rito
Iintindihin kita sa pagiging makakalimutin mo
Habang ipapaalala ko ang pagmamahal sa iyo
Madali na rin siguro ako makalimot
Ngunit pag-ibig ko sayo'y hindi ipagdadamot
Marahil puti na ang ating mga buhok
Matatamis na pagkain bawal na tayong makalunok
Uugod-ugod, kulubot ang balat
Ikaw pa rin ang aking prinsesa hangga’t ako’y nakadidilat
Oct 4, 2020
Oct 4, 2020 at 12:55 PM UTC
Dumating na naman ang mga alon
Dala ang ala-ala ng kahapon
Sa pag-ahon, mangangako
Hindi na ulit magpapalunod
Ngunit tinatawag ng tubig
Hindi mapigilan ang pagbalik
Sisisirin ang pinaka malalim
Pangalan mo’y muling hahanapin
Aug 8, 2020
Aug 8, 2020 at 4:04 AM UTC
Hanggang kailan ako magiging ganito?
gabi-gabi na lang tawag ko ang pangalan mo
Kung pwede ka lang maibalik nitong mga luha ko
Noon pa siguro’y nagawa ko na at ikaw ay nasa piling ko na’t ako ngayo’y yakap mo.
Gabi-gabi na lang, nasa isip kita
gabi-gabi ring dasal na panaginip kita
dinig mo ba ang mga iyak ko at aking mga sana?
“Isang beses man lang sana tayo ay nagkasama”.
Ano kayang pakiramdam mahawakan ang kamay mo?
Sa tuwa kaya ay mapatalon ako?
Mga pisngi ko ba’y mamumula o manginginig ang katawan ko?
Naranasan ko man lang sanang sa tabi mo’y minsang maupo.
Sa takdang panahon kaya’y makita rin kita?
Ang oras ba natin ay sa wakas magtagpo na?
Isang beses man lang sana masabi kong mahal kita
Isang beses man lang sana...
Isang beses man lang sana ....
Jul 19, 2020
Jul 19, 2020 at 3:12 AM UTC
I'll forever yearn seeing the view
Thoughts of kisses between me and you
Never to part and never to break
View of images my mind has made
May 22, 2020
May 22, 2020 at 4:25 AM UTC
I've found the right words
I've felt the right emotions
I've shown you that I care
I've whispered many times
... I LOVE YOU
You've said the right words
You've felt the same emotions
You've shown the care I need
You've whispered many times
... YOU LOVE ME MORE
We both already felt
We both already care
There's more I longed than whispering words
... BUT NO ONE SHOULD EVER KNOW, NO ONE SHOULD EVER LEARN
... TILL THEN MY LOVE, HEAR MY WHISPER HOW MUCH I LOVE YOU
Nov 27, 2019
Nov 27, 2019 at 1:30 AM UTC
Sa isang patak,
Ito ay bubuhay;
Sa isang dagat,
Ito'y pumapatay.
Mamutawi man ang takot
Sa bawat pag-agos,
Mamumutawi naman ang saya
Sa bawat pagbuhos.
O kay gandang pagmasdan
Mula sa pampang.
Ngunit sa taglay nitong lalim,
Mananatiling mangmang.
Sa bawat pagbuhos ng ulan,
Sa pagbukas ng gripo,
Magbuhat man ng sakit o sustansya,
Mananatiling tubig ito.
Jun 3, 2019
Jun 3, 2019 at 6:57 AM UTC
"Nakalimutan ko na ba?"
Yun ang pangamba
Nakalimot na nga ba?
Sino ka?
Saan ka pupunta?
Ilang araw din
Ilang oras sa madilim
Sa malabo
Sa magulo
Tuloy, nakalimot nga yata ako?
Matagal na panahon
Ang nilaan
Sa paghahanap
Nang kung saan
Nang kung sino
San nga ba tayo tutungo?
Pagtapos ng lahat
Ng isang mahabang panaginip
Ang mga mata’y muling nakasilip
Naalala ko na ulit
Nakalimutan ko lang saglit
Pero nagbabalik na muli
..ako
May 3, 2019
May 3, 2019 at 2:30 AM UTC
Pagkatapos ng takipsilim
Bumabalot ang dilim
Ilang oras maninimdim
Ang gabi ay lalalim.
Nag aantay sa iyong pag dating
Naiinip, kung minsan pa'y napapailing
Matagal na ring humihiling
Katotohana'y gusto ka nang makapiling.
Nakasilip na ang haring araw
Hindi pa naman ako bumibitaw
Habang sa mga pangako mo'y ako'y nakadungaw
'Andito pa rin ako, hindi gumagalaw.
Wari ko nga'y ako'y maghihintay
Sa pagibig **** walang humpay
Pusong ginawa nang alay
Sa pagibig **** nakamamatay
Narito pa rin ako, hindi makagalaw wari'y napako na sa pangako **** nakakasilaw.
Mar 3, 2019
Mar 3, 2019 at 8:10 AM UTC