Lugod akong nagtitiwala
Sa bawat yapak mo prinsesa
Wari mo'y ulap sa iyo'y nakayakap
Para sa pighati **** naranasan sa bawat pagsisikap

Halik na tila'y simoy ng hangin sa bukang liwayway
Sa pisngi mo'y dadampi na walang kapantay
Pasakit ma'y puno sa nakaraa't kinabukasan
Ako sayo'y kailanman di lilisan

Umagang darating ma'y puno ng tagdilim
Kalangitan ma'y maging kulimlim
Sana'y wag na wag kang bibitiw
Pagka't bawat pighati'y lilipas aking giliw

Aking kama'y naririto
Kung kailangan ma'y sambitin mo
Dumaan ang panahon
Sa anumang pagkakataon

Sa isang tula ako'y nanalangin
Dasal kong ito'y sana'y dinggin
Sa iyo'y ipagkaloob nawa ng maykapal
Kay gandang paraisong puno ng pagmamahal

Nandito nanaman ako
nagiisa, nangangarap
sa mga bagay
na hinding hindi ko
makukuha

Naliligaw pa siguro
ang tadhana
magdarasal na lang ba
kay bathala

Okay lang sa akin
na makita kang
masaya
masaya sa piling ng iba

Hindi kailanman
magiging ikaw at ako
Hindi kailanman
magkakaroon ng salitang
tayo
Hindi kailanman
Hindi....

Siguro kailangan **** masaktan
para malaman **** buhay ka pa
Kaya ito ako ngayon
tanggap na tanggap ko na

Alam kong mahal mo siya
at ako'y nagmamahal lang
Alam kong mahal mo siya
at ako'y kaibigan lang