Samay ko peeche chod,
Mai aage nikal rahi hu,
Mai badal rahi hu,
Kuch sikh ke,
Kuch sikha ke,
Saal aate hai chale jaate hai,
Bas kuch yaadein chod jaate hai,
Zindagi ka yeh haseen daur,
Mai kabhi nahi bhulungi,
Wo yaadein,
Wo dost,
Wo dosti,
Wo pyaar,
Wo takraar,
Wo intezaar,
Yaad aaenge ....

Samay ko peeche chod,
Mai aage nikal rahi hu,
Mai badal rahi hu,
Kuch sikh ke,
Kuch sikha ke,
Saal aate hai chale jaate hai,
Bas kuch yaadein chod jaate hai,
Zindagi ka yeh haseen daur,
Mai kabhi nahi bhulungi,
Wo yaadein,
Wo dost,
Wo dosti,
Wo pyaar,
Wo takraar,
Wo intezaar,
Yaad aaenge bahot..

Maa

Maa hai tu meri,
Parchayi hu mai teri,
Ek aatma hai humari,
Bachpan me maar bahut khayi hai tujhse,
Dil ke ristey dheere-dheere gahre huye hai tujhse,
Jab-jab teri aatma dukhi hui hai,
Yeh aansu meri aankho se bhi gire hai,
Dil aata mera teri bacho wali muskaan pe,
Jaan deti hu mai teri maa wali chinta pe,
Jo tu kahegi,
Mai karungi wahi,
Tere hotho pe ek muskurahat dekhne ke liye,
Kuch bhi karungi kyuki,
Muskurahat sirf hotho pe nahi dil me aati hai tere,
Dil tera saaf hai aaine ki tarah,
Jo dekhe woh paye tujhme,
Gusse me jab hoti hai,
Toh bahot gussa dilati hai,
Par shaant tujhe karna aata hai mujhe,
Kabhi- kabhi gussa ho jaau mai,
Toh mana leti hai tu mujhe,
Pyaar bahut karti hu tujhse,
Door na hona kabhi mujhse,
Tere liye jeeti-marti hu,
Ichacha teri,
Dayitwa hai mera,
Khushi teri,
Adhikaar hai mera,
Jaan teri,
Jaan hai meri..

Yeh kaisi uljhan hai sawalo ki,
Khoja kitna par jawab nahi,
Mann me alag hi uljhan si,
Ke dimaag bhi kuch kah raha,
Tufan macha mere andhar,
Ki main toh iss me bah rahi,
Har sawal ka jawab,
Har taale ki chaabi,
Milega ek din har jawab,
Ke jawab me mere jeene ka maksad,
Aakhir kyun hum aaye iss duniya me,
Kya humara maksad hai,
Kya hai yeh duniya jiska,
Koi toh rakhwala hai..

Na tum kuch keh paaye,
Na hum,
Kah gayi sab kuch,
Yeh dooriyan lafzo me,
Tum kahte raho,
Mai sun rahi tumhe hun,
Ankho mein diye jalaye,
Tumhe hi dhoond rahi hoon,
Saja mil rahi tumse pyaar karne ki,
Saja mil rahi inkaar karne ki,
Saja mil rahi intezaar karne ki,
Saja mil rahi aitbaar karne ki,
Lekar aaye tum mujhe,
Andhere se ujaale me,
Ab khud ki nazar se nah dekh rahi khudko,
Ab tumhare liye saj-sawar rahi hoon,
Kar rahi jo tumhe pasand hai,
Har saans ab tumse shuru tumpe khatam hai,
Ab chahe aandhi yaa aaye tufaan,
Jhuk gayi jo mai ab,
Toh uth na paungi,
Kabhi apne aapko najre milakar dekh na paungi.

Hum nahi udaas ki tum paas aate nahi,
Hum hai udaas ki baatein banate nahi,
Agar hum yun khafa-khafa hai,
Toh tum bhi kuch khaas nahi,
Kyun achanak hum alag ho gaye
Andhere raaston mein yun ghum ho gaye,
Kyu hum ek-dusre se khafa ho gaye,
Kyu hum zindagi ke mayine bhul gaye,
Kyun tum dusro ke deewane ho gaye,
Aur hume bhul gaye
Bewafa ho gaye,
Kyun tum yun khafa ho gaye

Khona kya hota hai
Wo unse pucho jinki yaadein aaj bhi hai
Yaadein kya hoti hai
Wo unse pucho jinki aankho me nami aur hotto pe hasi hai
Hasi kya hoti hai
Wo unse pucho jinhone zindagi jee hai
Jeena kya hota hai
Wo unse pucho jo mar kar bhi zinda hai
Marna kya hota hai
Wo unse pucho jinki umeed marri hai
Umeed kya hoti hai
Wo unse pucho jinke ristey ispe tike hai
Ristey kya hote hai
Wo unse pucho jinki dosti issi me hai
Dosti kya hota hai
Wo unse pucho jinhone dil lagaya hai
Dil kya hota hai
Wo unse pucho jinhe isne rulaya hai
Rona kya hota hai
Wo unse pucho jo ankho se nahi, dil ke dard me andar hi andar rooye hai
Dard kya hota hai
Wo unse pucho jinhone khoya hai

Next page