పుట్టింట వెలుగులు చిమ్మిన దేవత
మెట్టినింట దీపం వెలిగించే తారక ,
అల్లారు ముద్దుగా పెరిగే పాప కదా
అత్తారింట పనులు చక్క పెట్టేలా మారే తీరుగా,
తప్పటడుగులు నేర్చిన చిన్ని బాలిక
భర్త కోసం వంద అడుగులకు పైగా వేసే ఓపిక ,
గోరుముద్దలు తిన్న బుజ్జి పాపాయి
ఇంటిల్లపాదికి వండేలా మారిన వైనముగా ,
ఆట పాటలు ఆడిన ఓ బుల్లి తనయా
అమ్మ అయ్యి పోయెను ఎంతో మధురముగా ,
ఆకలికి తాలని ఒక్క బుజ్జాయి
తన పిల్లల ఆకలి తీర్చేలా మారిన పెద్ద మనసు కదా,
పెద్దల నీడన పెరిగిన బంగారమే
నేడు పిల్లల పాలిట అయ్యేనే కల్పవృక్షముగా,
.................................
ఎంతో
ఋణపడిపోయేలా­
ప్రతి ఒక్కరి హృదయాన
మీరంతా ఉన్నారు
మీ సేవలు అమోఘం
ఏ గొప్పలకు మీరు పోరు
రెక్కలు ముక్కలుగా
ఎంతో శ్రద్ధగా
ఎంతో కృషి చేస్తూ
మా కోసం మీరున్నారు
అలాగే మీ కోసం
మేముండేలా
అందరు  పాటుపడాలని
ఆకాంక్షిస్తూ
ప్రతి తల్లికి
ఇదే నా హృదయపూర్వక
వినయముతో కూడిన
ఒక్క చిరు గేయము