Sa bawat dasal, pangalan mo'y sinasambit,
Sa bawat panata, ikaw ang aking hiling.
Ngunit tadhana'y tila sa 'tin ay galit,
Pag-ibig sa 'yo, 'di maaring abutin.

Sa tuwing ako'y nagmamakaawa at nananalangin,
Larawan mo ang sa isip ko'y nananalaytay.

Umaasa na sana'y ika'y maging akin,
Ngunit 'yong puso, sa iba pala'y nakalaan.
Sa bawat sandali na tayo'y magkasama,
Ako'y nagpapanggap na tayo'y magkasintahan.

Ngunit sa likod ng mga ngiti at saya,
Nagtatago ang sakit na 'di kayang labanan.
Alam kong ika'y 'di ko maaring angkinin,
Pag-ibig ko sa 'yo'y isang ilusyon lamang.

Ngunit kahit ganito, patuloy pa rin kitang mamahalin,
Sa puso ko'y ikaw lang ang nag-iisa at walang iba.