Submit your work, meet writers and drop the ads. Become a member
Complete Poems and Songs of Robert Burns by Robert Burns
John Anderson, my jo John,
When we were first acquent
Your locks were like the raven,
Your bonnie brow was brent;
But now your brow is bald, John,
Your locks are like the snow;
But blessings on your frosty pow,
John Anderson my jo!

John Anderson, my jo John,
We clamb the hill thegither,
And mony a canty day, John,
We’ve had wi’ ane anither:
Now we maun totter down, John,
But hand in hand we’ll go,
And sleep thegither at the foot,
John Anderson my jo.
  2.0k
   --- and ---
Please log in to view and add comments on poems