ہوکھمُت ناگ


تمی سندی بابن اوس جدس میانِس وونمُت
میانی جدن اوس وونمُت نانِہ تہ بابس تِی
بابن وون تِی ماجِہ تہ موج چھ تِی مے ونان ،
مے تِہ چھ پگہہ تِی شاید ونُن شُرین پننین
زِٹھین چھُ  کھوژن گھونژھن،
زنین چھِ رأچھ کرءنی
باقی گو سورُے ترتھ , سورے پاگل پن ،
باقی دنیا بدلِن یِتھنہ ژء زانہہ بدلکھ  
نیَن جہاتن کُن پھیرکھ
اسِہ مشراوکھ
اسِہ مشراؤ
مگر یوسہ دآر جدو بند کر
یتھنہ سو دآر ژء مژرکھ
سوچکھ
پچھتاوکھ!!

نگہت صاحبہ