Submit your work, meet writers and drop the ads. Become a member
Apr 1
nag-iba na naman ang
ihip ng hangin,
lumalamig na naman,
tila ako yata’y giniginaw?
giniginaw? giniginaw sa tag-init.

palagi naman na ang pagmamahal
ay nagsisimulang nagbabaga,
mainit, sobrang init na tila ika’y pagpapawisan sa tuwing makikita siya, kinakabahan at kinikilig,
ah ganun na nga. sabi nila panandalian lang naman ‘yan.

subalit sa kasamaang palad,
palagi naman nagtatapos
na kaylamig na tila
maninigas ka sa sakit
sa lungkot at sa kaiisip
saan?

saan nga ba ako nagkamali?
saan nga ba ako nagkulang?
pero wala.
wala run ang sagot.
ginalugad na lahat,
ngunit sa’yo lang pala mahahanap ang tanging kasagutan.

sa kabila ng lahat,
hindi kita masisi,
hindi ko makuhang tuluyang magalit sa’yo dahil ako mismo
ay awang-awa sa sarili
hindi maipaliwanag
ano ba itong nararamdaman.

hindi ko masabi
hindi ko mawari,
pero dito ako ay sigurado,
sa’yo.
lorainne
Written by
lorainne  Philippines
(Philippines)   
  150
 
Please log in to view and add comments on poems