Submit your work, meet writers and drop the ads. Become a member
Mar 2016
Maa ki kokh se lekar, unki god me aane tak,
band muthi ke sapno ko apna banane tak,
Nanhi-Nanhi baato ko lekar ruth jaane tak,
Fir Maa ke pyaar se behal jaane tak,
Yahi Prem hai, Yahi Samarpan, Yahi Zindagi.

Bachpan ki athkheliyo me shaitaniya chupaane tak,
Bankar Nandlal Yashoda maa ko sataane tak,
kabhi matki todne to kabhi maakhan churaane tak,
Ban bhole Maa se sab kuch chupaane tak,
Kabhi Prem me Radha ke sabkuch bhulaane tak,
Yahi Prem hai, Yahi Samarpan, Yahi Zindagi.

Khilono se khelte-khelte bade ** jaane tak,
Pita ki ungli pakad unke kandhe pe aane tak,
Choti si zid ko lekar baith jaane tak,
Papa ki fatkaar se lekar Seham jaane tak,
Yahi Prem hai, Yahi Samarpan, Yahi Zindagi.

Yovan me kadam rakhkar paaw badhaane tak,
kisi ke pyar me apna sabkuch lutaane tak,
Choti-choti baato par ladkar unke manane tak,
Na maanne par tanha aansu bahane tak,
Yahi Prem hai, Yahi Samarpan, Yahi Zindagi.

unke intzaar me palke bichaane tak,
milkar sabkuch kehne ka sapna sajaane tak,
unke bina har raat ke tanha ** jaane tak,
unko khwabo me sochkar aankho ke nam ** jaane tak,
**Yahi Prem hai, Yahi Samarpan, Yahi Zindagi.
Arvind Bhardwaj
Written by
Arvind Bhardwaj  Chandigarh
(Chandigarh)   
13.9k
   Aarushi Vijay
Please log in to view and add comments on poems