Submit your work, meet writers and drop the ads. Become a member
 
Jan 16 · 11.4k
Miss, Magkano Ka Ba?
HYA Jan 16
Pssst! Hi, miss. Ang ganda ng suot mo ngayon a?
Tama na yata ang pagtimpla mo ng koloreto sa iyong mukha
Pssst! Miss, dito ka lang. Marami akong maibibigay
At kasama na doon ang kaligayahan na walang humpay

Oy, miss! Saan ba ang ***** mo?
Maaari mo naman ako sakyan--- ang sasakyan ko
Oy, miss! Ako'y iyong pakinggan
Bakit? Sawa ka na bang gawing laruan?

Sapagkat habang minamasdan ko ang iyong mga mata
Unti-unti nang nawawala ang sansinukob ng mga tala
Nag-umpisa na ring mamatay ang mga bulaklak
Kasabay ng unti-unting paglalaho ng iyong halakhak

Miss, magkano ba ang kapalit ng isang oras mo?
Sumagot ka, lalaki ako at hindi ako nagpapatalo
Ang ikli pala ng saya mo, miss, grabe nakikita ko na
Ang hindi ko dapat nakita sa aking paghinga

Kung maaari sana ay itapon mo na ang iyong antipas
Kinulayan mo pa ang nabubulok na bahag-haring umaatras
Kahit sa katunayan ay kumukupas na ang totoo **** kulay
At tila'y pinalitan ng isang anyo na nananamlay

Oy, miss! Kaunting ngiti naman diyan, sige na
Ipakita mo sa akin kung gaano kahaba ang iyong dila
Mukha naman din yatang magaling ka sa mga palabas
Kung mabibili kita, miss, sa kwarto ay hindi ka na makakalabas

Teka, bakit hindi nalang natin simulan? Maghubad ka na
Tanggalin mo na sa iyong katawan ang mga makukulay na tela
Unahin mo ang mga pambaba at pagtapos ay ang pang-itaas
Ngayon, mag-uumpisa na akong gamitin ka nang hindi patas

Simulan natin sa iyong mukha
Tanggalin na natin ang magulong koloreteng sumabay sa luha
Lalo na itong pulang kulay na dinikit mo sa iyong labi
Na para bang gusto **** maghagkan sa kanto dito sa tabi

Pagkatapos ay ang iyong alahas na hindi naman kumikinang
Na tila ba ay binili mo sa mangmang sa gumagapang
Mga ganito lang naman pala ang kaya **** bilhin
Magkano ka ba? Ang babayaran mo sa mga diyan ay ating hatiin

Dito naman tayo sa damit na iyong isinusuot
Ipakita mo sa akin sa iyong mga peklat na kumukulubot
Ang isa bang ito ay ang nakuha mo noong ginahasa ka?
Tama ako, ano? Hindi? Talaga? E bakit lumuluha ka?

Huli, sa iyong mga sapatos
Para sa paa mo palang malaki na ang iyong gastos
Saan ka na ba dinala ng iyong paa sa paglalakad?
Naabot mo ba ang ibang bansa habang ika'y kinakaladkad?

Baka nakalimutan **** nawawala na ang katarungan
Sa iyong katawan, sa iyong utak at pagkakakilanlan
Miss, tanong ko'y kaya mo pa bang maging matapang
Habang ginagapang sa kalsadang sangalang-alang?

"Miss, ang ganda mo ngayon."
"Miss, ang ganda ng hubog ng iyong katawan."
"Miss, parang masarap ka naman."

Miss, miss! Tumingin ka sa akin.
Ito na ang huling pagkakataong ika'y tatanugin
Miss, magkano ka ba talaga?
Ang limang oras, makakaya mo ba?
sad to say, this is still currently happening

know your worth, ladies
Nov 2018 · 1.7k
Totoo Ba Ang Sabi Nila?
HYA Nov 2018
Dyan ka lang,
walang patutunguhan
siraulo, dyan ka lang
Buong magdamag,
Laro inaatupag
Dota, csgo, crossfire at... pag-ibig?

‘Huwag kang tumalon,
Huwag kang tumakbo,
Huwag kang lumipad,’
Yan ang sabi nila
Sa tulad naming adik sa dota
Yan ang sabi nila
Maji-gg ba sa buhay, sinta?

Pero ibigin mo ang tala
Ibigin mo ang buwan
Ibigin mo ang araw
At ibigin mo ako

Tumalon at lumipad
Bahala na kung saan mapadpad
Kung iibigin mo ang araw
Kinabukasan, matatanaw

Walang reset ang buhay,
Walang revive ang buhay
Wala ring pause ang buhay
Kaya lahat ay dapat ibigay
Lahat ay iibigay

Dito ka lang,
Dito ka nararapat
Huwag magbilang e hindi naman kaya
Dito ka lang,
Wala kang kinabukasan
Kung maglalaro, dito lang

‘Huwag kang lumakad
Huwag kang lumangoy
Huwag kang gumapang’

Susunod ba sa sabi nila?
Ang bukas ba'y hindi mapipinta?
Totoo ba ang sabi nila?
Makikinig ka ba, sinta?

Bumangon at ibigin mo ang tala
Ibigin mo ang mga buwan
Ibigin mo ang mga araw
At ibigin mo ako

Tumalon at lumipad
Ipagmamalaki ka ng lahat
Ibalanse mo ang oras
Talento moy ilalabas

Walang quit button buhay
Walang edit ang buhay
Walang cancel ang buhay
Kaya magpatuloy, magpatuloy, magpatuloy

Iibigin ko ang tala
Iibigin ko ang buwan
Iibigin ko ang araw
At iibigin din kita
Hiiii HAHAHAHAHA

this is a piece I created when I was in the bathroom HAHAHHAA this is a song actually for today's contest and here it is.
This piece is for my classmates na mga 'gamers' na nadidiscriminate ng iba at ng mga **** namin kasi nga mga tamad HAHAHHAHAHA but I still love those pipol and they have a loooot of potentials
Nov 2018 · 16.7k
Si Ulap At Si Araw
HYA Nov 2018
Si ulap ay nabighani sa sikat ni araw
Kaya pabalik balik siyang dumadalaw
Upang masilyan ang kagandahang alay
Kahit na minsan, sa paglalakbay ay sumasablay

Hanggang sa dumating ang panahon
Upang ibahagi na ang ipinagmamalaking ambon
Sa wakas ay kanyang maiibigay
Ang damdamin nang walang humpay

Sinimulan niya sa ambon at pagkatapos ay ulan
Ibinahagi rin niya ang kidlat na sinumpaan
Sa pamamagitan ng kulog, siya ay sumigaw
Nangakong magiging matibay sa tayog at saklaw

Pagdating sa dulo, nandoon pa rin siya, naghihintay
Kahit na matagal na siyang hindi umuuwi sa bahay
Ginawang hangin ni araw ang kanyang pag-ibig
At ibinalik sa kanya ang mga ipinagmamalaking tubig
evaporation, it is
HAHAHAHAHAHAHA
who says science can't be fun?
Nov 2018 · 13.1k
Gusto Ko Ng Sorbetes
HYA Nov 2018
Habang ako ay naglakad-lakad sa iskinita,
Nakakita ako ng isang marikit na lumuluha
Ang perpektong mukha ay hindi maipinta
Ang mga mata ay palihim na nagmamakaawa

At sino ba naman ako upang tanggihan
Ang hiling ng isang dalagang luhaan?
Dahan-dahan, siya ay aking nilapitan
At tinanong kung ano ang kailangan

"Gusto ko ng sorbetes," saad ng maganda
Ang sagot ay hindi inasahan kaya ako'y napatawa
Tumango ako at inalay ang aking kanang kamay
Kung tutuusin, hindi lamang iyan ang dapat ibigay

Kinabukasan, sinimulan ko ang aking paglalakbay
Susungkitin ko ang buwan at mga bituin nang sabay
Itatali ko sila na para bang mga lobong malalaki
Siguradong maipapakita ng mga ito ang kanyang ngiti

Sa gitna ng aking biyahe, natanaw ko ang hindi gawi
Ang plano sa pagsungkit ay kanilang nasaksi sa dagli
Sila ay buong tapang kong nilabanan para sa marikit
Hanggang sa aking mga kamay, ang mga bituin ay dumikit

Ang buwan nalang ang kailangan at ako ay babalik na
Ang aking mga isinungkit ay para sa likom ng kanyang mata
Buong kalawakan kung saan ang mga planeta'y sumasayaw
Iba't ibang kulay kung saan sa bahag-hari ay humahataw

Sa hindi inakala, dumayo ang buwan at nagpabihag
Ayon sa kanya'y tutulong siya upang magbigay liwanag
Sa kaluluwa ng dalagang labis ang tulo ng mga luha
Dagdag pa niya'y sa marikit, hindi na dapat ako mabahala

Kaya itinali ko na sila na para bang mga lobong malalaki
Sa pagtanggap ng mga ito, sana'y hindi siya mag-atubili
Sapagkat handa akong sungkitin ang lahat lahat
Kung ang saya niya ang kapalit, lahat ay sulit at sapat

Binalikan ko ang eskinita kung saan ko siya unang nahagilap
Ang espasyo kung saan ako dinala ng araw at ng ulap
Nandoon pa rin siya subalit hindi na umiiyak
Nang suriin ko ang kanyang mukha, siya ay nagagalak

Ako ay tumakbo nang mabilis at tinawag si marikit
Ang lobong buwan at bituin ay hindi magkasiya sa sikip
"Marikit, narito na ang pasalubong ko sa'yo; ang buwan at tala.
Sila ang gagabay sa iyo kapag naubusan ka na ng bala."

Lumayo ang kanyang tingin at yumuko nang kaunti
Ang mga kanyang mga salita ay nagbigay ng pighati,
"Ginoo, hindi ko tatanggapin ang iyong mga handog
sapagkat isang maginaw na sorbetes lamang ang gusto kong alindog."
Minsan, kahit ginawa mo na lahat, kapag hindi para sa iyo, hindi para sa iyo.

hindi gawi - alien
---
I'M BACK!

I suffered from a writer's block for months. Months, pipol, months. Ugh. I never thought I'll be back with writing again. Thank my friend, Danielle for giving me an inspiratioooon. Gah, I'm so happy.

I'm learning to write narratives sooo I hope you liked it and sorry if it's disappointing tho. I'm trying, swear.
Aug 2018 · 21.0k
Ang Antipas Mo, Bagsik
HYA Aug 2018
Malaking polo at malaking pantalon
May sapatos pang yari sa mga dahon
Ang itim na buhok na laging buhaghag
Kahit sa suklay, hindi nagpapatinag

Ito ay para sa babaeng kay bagsik
Huwag **** ikahiya ang iyong tinik
Kahit sa sapakan ka mas nasasabik,
Ang mga peklat mo'y huwag gawing batik

Mga bakat ng pakikipagsapalaran
Ng babae na naglalaki-lakihan
Gustong maging isang kataas-taasan
Sa hindi makatarungan na lipunan

Kanyang mga kilay, nagkakasalubong
Tila bang mga mahihirap na bugtong;
Magkakambal na humihingi ng tulong
Ang pagsigaw ay para pa ring pabulong

Bagsik, ako'y may tanong para sa iyo

Napapagod ka na bang maging matapang
O hindi kaya'y sa iyong pagkahibang?
Alam mo, mabuti rin namang umiyak
Dahil ang buhay ay hindi puro galak


'Wag sarilihin ang lahat ng problema
Huwag gawing sandata ang mga bala
Matuto kang magsalita at lumuha
At hindi puro bagsik ang ipakita

Tanggalin mo na ang antipas sa mukha
Tapusin ang pagyuko at tumingala
Ipaglaban mo kung sino ka talaga
Ipakita **** ikaw ay mahalaga

Ipagpaliban ang iisipin nila
Titigan mo ang sariling mga mata
Muli, lumuha ka, bagsik, lumuha ka
Lalangoy din sa tubig ang mga isda

Magpahinga ka kung nakakapagod na
Lumayo kung hindi nakakaginhawa
Pagkatapos nito, lumaban kang muli
Nang merong konsensya’t maputi ang budhi

Ipinagmamalaki ko ang ‘yong bagsik
Ang kamao **** sa hangin humahalik
Ngayon, bagsik, muli kitang tatanungin
Ang antipas, kailan mo tatanggalin?
antipas means mask pala hehe
finally, after 2 months HAHAHAHAH
Jun 2018 · 956
Muli, Ikaw.
HYA Jun 2018
Maraming araw na nagdaan
simula noong pilit kitang kinalimutan,
ang litratong nanatili sa aking isipan
ay... ikaw

Ang nakakaakit na mata,
ngiting nakakasala,
titig na nakakaluha

Sa kahit saan ako magpunta,
ang sagot sa aking tanong
ay ikaw

Tinakbuhan ko ang katotohanan
na ikaw ay nabubuhay sa mundong ito
Gusto kong mawala sa isipan na
ikaw ay humihinga

Subalit kapag natatanaw ko ang tubig,
naalala kita.
Ang daloy ng oras na nagsasaad na hindi
na pwedeng panghawakan ang noon
pa ay binitawan

Ang tubig sa baso ngayon
Ay hindi na ang parehong tubig
na kanina pa itinapon

At kahit sa kagustuhan kong makalimutan ka,
Kapag aking naiisip na nakakalimutan ka,
mas nagiging mahirap para sa aking ang
hindi ka maalala

Binitawan ko ang tingin sa katubigan
At ang mga mata ay itinuon sa kawalan
Mga bituin sa kalangitan ang pinagmamasdan
Kumikinang.

Kagaya ng paligid kapag ikaw ay natatanaw
Lumiliwanag ang iyong mismong pagkatao
sa aking harapan
Kagaya rin ng iyong mga mata
Na may tinatagong salita

Mga lihim na nakabaon sa pinakamailalim na
Parte ng iyong kaluluwa at muli,
ikaw.
- no need to read -
BLABLEBLIBLOBLU
First day of class na naman. As usual, awkward. And as usual, sana magkaisa kaming lahat bago pa man matapos 'tong school year na to.
F I G H T I N G!
May 2018 · 757
Maghubad Ka
HYA May 2018
Sa bawat pagkakataon na tayo ay nagkikita
Aking nasisilayan ang karunungan sa iyong mga dala
Sa iyong suot na sa iyo ay bumabalot
Upang maitago ang mga tinatagong kulubot

Kaya, ngayon, huwag ka sanang magpakitang muli
Kung ginagapos ka pa rin ng iyong mga tali
Subalit hindi maiiwasan ang pagtulak ng kapalaran
Upang maipahayag sa kapwa nating mata ang katapatan

At kung magkikita tayong muli, maghubad ka
Ipakita mo sa akin ang katotohanang nakatago sa iyong palda
Ang presko **** balat na hindi ko pa nasisilayan
Ang iyong mga lihim na hindi ko namamalayan

Kung magkikita tayong muli, maghubad ka
Ipakita mo akin ang dilim sa iyong kaluluwa
Gusto kong marinig ang tunog ng mga salita
Ibig kong maghagkan ang iyong takot na nananalanta

Kung magkikita tayong muli, huwag kang magsuot ng damit
Ayaw kong masilayan ang dumi na sa iyo nakadikit
Iwasan mo rin ang pagtatali sa iyong buhok
Huwag **** itago kung ayaw mo itong mabulok

Gusto kong makita ang kalawakan sa iyong mga mata
Ang mga bituin na sumasayaw nang palihim at kumakanta
Maghubad ka, giliw, maghubad ka
Huwag kang mag-atubili na ipakita sa kanila
sings versace after writing this hahahaha
---
To all of you out there (and also to the future me), never be scared showing your scars. They are the evidences that you survived. Scars both in skin and in the soul; they are precious.
---
May 2018 · 736
Isang Segundong Musika
HYA May 2018
Ipagpaliban ang hangarin
Na maging akin ang iyon tingin
Ang mga mata ay panatilihin
Nang magawan kita ng awitin

Sa musikang segundo lamang ang aabutin
'Ika'y manatili,' iyan ang sasabihin
Ang munting pakiusap ay iyong dinggin
At payagan na ang iyong puso'y angkinin.
myuzeeek
Apr 2018 · 707
Kaluguran Sa Pakikipagtalik
HYA Apr 2018
Sundan mo ang aking hintuturo at lumapit
Ang aking mga bisig ay sisiguraduhin kong sa iyo nakakapit
Dahan-dahan mo akong ihiga sa nabubulok na kama
Ipikit mo ang iyong mga mata at hahalikan kita nang may tama

Mula sa iyong labi, pababa nang pababa
Huwag kang masyadong gumalaw, isalba ang hininga
Mukhang matatagalan ang ating pananatili sa kapwang bisig
Ngayon na ang tamang panahon upang masilayan ko ang iyong bagsik

Ipapasok ko ang iyong pagkatao sa aking pinagmamay-ari
Hawakan mo ang aking dibdib na namumukod tangi
Igagalaw ko ang aking katawan sa ritmong ating pinagsikapan
Pagkatapos ng huling minuto, aabot na tayo sa kalangitan

Tayo ay humiga sa kamang nakasaksi
Sa ating katakawan sa kapwa katawang maliksi
Niyakap kita nang mahigpit at nagsalita
Subalit ang bawat pantig ay iyong binalewala

Saad ko'y 'mahal kita'
At ang iyong tugon ay isang malalim na hininga
Sabay ang pagbibigay pasalamat
At nagmungkahi na ang lahat ng ito'y gawing alamat

Ang aking pagmamahal ay katumbas lang pala
Ng isang pasasalamat at wala ng ibang halaga
Ipinagkaloob ko ang lahat ng aking kayang ibigay
Ipinangako kong sasambahin ko pati ang iyong kamay

Handa akong isuko ang aking mga kayamanan
Handa **** tanggapin ang lahat at sa huli, ako'y iwan
Handa akong ipagsigawan sa madla na ika'y aking iniibig
Handa mo akong ipamigay at ipayakap sa ibang pares ng bisig

Ngayon, muli **** sundan ang aking hintuturo
Sana'y maintindihan **** itinuturo nito ang aking pinto.
huwag magmadaling isuko ang bandera ng mga kakabaihan sa katulad niyang hindi makakatumbas sa halaga ng seryosong labanan

striktong patnubay at gabay ng mga magulang ang kailangan
Apr 2018 · 1.7k
Mabibigo Ang Aasa
HYA Apr 2018
Naaalala ko pa noong sinabi **** buksan ko ang aking puso sa maraming posibilidad
Kaya ang aking saradong pinto ay aking binuksan at humangad
Sabi mo ay maiintindihan mo ako sapagkat nararamdaman **** magkapareho tayo
Subalit, sa isang iglap, sumiradong muli ang aking pinto.
Kaibigan, pababayaan mo nalang ba akong humangad sa walang kasiguraduhan?
Mar 2018 · 644
Susugal Na Sa'yo
HYA Mar 2018
Sa apat na sulok ng kwadradong patalim
Nakatago sa dilim ang puso nang palihim
Ngiting nakakurba sa malamultong kalsada
Tuwa sa tawang hindi nakakadismaya

Sa patalim na nakakatakot isipin sa dalangin
Ngayon ay taas noo ko ng yayakapin.
I am infatuated with someone I know I should not be infatuated with. But what else can I do?  He is an expert in shooting hearts of poets.

HAHAHAHAHA ew. I would read this again after months or years and I know I'll be laughing so hard when that time comes.
HYA Feb 2018
Pumara ako ng jeep sa tapat ng kanto
Kinausap ko ang sarili at nagmukhang tonto
Pagpasok ko sa loob ay doon ko natanto
Na iba't ibang uri pala ang mga ito

Una, ang babae na tinatawag ako upang kunin ang bayad
At sino ba naman ako upang hindi pumayag?
Binilang ko ang pera at ito'y nagkakahalaga ng sampu
Subalit ang naisukli sa kanya'y piso

"Manong, kulang po ng dalawa ang sukli niyo
Baka lumalabo na po ang pananaw mo
Manong, maaari ko bang kunin ang dalawang piso
At nang makababa na po ako?"

"Nako,  iha. Tumaas na ang presyo ng pamasahe ngayon
Lalo at magiging luma na ang bagong taon
Hindi mo ba narinig sa balita, iha?
Halika at aking ipapakita ang ebidensya"

Tumahimik ang babae at bumaba
Mukhang siya pala ang may malabong mata
Minsan kasi sa buhay,  magtingin tingin din sa kaliwa
Dahil kapag puro kanan lang,  iyan ay magsasawa

Hindi nagtagal, may nagbayad na naman
Ngayon, ang pera ay may malaking laman
"Manong, sayo na ang sukli
Para makabili ka naman ng gusali"

"Gusalina (gasulina) ba kamo, iho?
Huwag na, ito ang sukli mo
Makakaya naman ng bulsa ko
Heto na, iyan naman ay talagang dapat sayo."

Napaisip ako nang bigla
Nakakalungkot kasi talaga
Kahit buo yung ibinigay mo
Kapag ayaw niya, isasauli parin sa iyo

Nagpatuloy ang aming biyahe nang tahimik
Hanggang ang isang segundo'y pumitik
Bumaba ang isang mama nang hindi nagbayad
Kahit ang pera naman niya ay kanina pa sumasayad

Inireklamo namin siya kay manong
Siya ay aming tinanong
Kung bakit ang mama ay kaniyang pinabayaan
At hindi rin niya pinagalitan

"Para saan pa? E yun ang gusto niya
May mga tao talagang lalapitan ka lang, hindi ba?
Kapag sila ay may kailangan sa iyo
At kapag tapos na, sila ay lalayo

Kaya pabayaan mo na sila
Nakatulong ka naman,  iyon ang mahalaga
Huwag mag-alala,  nandyan naman si karma
Naghihintay lamang upang kunin sila"

Napatahimik kaming lahat at ngumiti
Sana, ang mga taong kagaya ni manong ay manatili
Maputi ang budhi at kapuri-puri
Sa mundong alam natin ay sari-sari

May napansin akong binatang hindi mapakali
Kaya tinanong ko siya kung ano ang nangyayari
Gusto na niya raw na bumaba
Ngunit napapangunahan siya ni kaba sa pagsasalita

Baka may sabihin ang iba tungkol sa kaniya
Baka magiging katawa-tawa siya
Baka ang lahat ay titingin
At baka mas lalo siyang maliliitin

Magsasalita na sana ako ngunit ako'y naunahan
Ng isang babae doon sa aking kanan
Naglahad siya ng iba't ibang ideya na hindi ko naisip
At ang nakabuka kong bibig ay sadyang tumakip

Nga naman. Bakit ka pa kumakapit?
E wala naman sa iyo ang pumipilit
Kung ayaw mo na, bumitaw ka na
At ang kapit ay huwag ng higpitin pa

Narinig ko ang pag-uusap ng dalawang estudyante
Tungkol sa matematikang nagpapapabebe
Ayaw daw magpaintindi kahit ano ang kanilang pilit
Kaunti nalang at sila na ay magagalit

Meron pa ang linyang nakahilera na ayaw magkonekta
Walang magawa kahit sobrang lapit na
Kaya namang ngumiti sa isa't isa
Ngunit silang dalawa ay puro lamang salita

Isa pa tong linyang padaplis na isang beses lamang nagkatagpo
Pagkatapos ng nakaraan ay patuloy ng lalayo
Hanggang makakalimutan ang mukhang nakita
Hanggang lumabo ang mga inipong alaala

Pero kung hindi mo naman naiintidihan, babalik ka parin sa matematika
Kapag mababa ang iyong grado, siguradong malilintikan ka
Kung titingin sa papel, walang ibang malalaman kung hindi ang pangalan
Aasa nalang sa katabi at makikipagsabwatan

Tumawa kaming lahat sa kanilang pag-uusap
Habang ang simoy ng hangin ay nilalasap
Nagrepresenta ang isang pasahero na sila'y tulungan
Upang hindi na nila dapat pang makipagsabwatan

Kapag ang isa ay dadagdagan mo isa, ito ay magiging dalawa
Subalit hindi ganito kasimple ang lahat ng problema
Maghihirap ang iyong utak sa kakaisip sa sagot
Hindi mo nalang mamamalayan na ikaw na pala ay napapanot

Meryenda, almusal, tanghalian at hapunan
Susunod muli ang umagahan
Kung ganyan ang kadali ang buhay
Siguradong madali tayong mamamatay

Kasi walang magpapatapang sa ating mga kalooban
Puro madadaling bagay lamang ang ating masasaksihan
Kaya magpasalamat nalang sa kahit anong ibinigay ng Maykapal
Dahil kung hindi, sigurado.  Ikaw ay makapal.

Nagsimula na silang magturo sa dalawa
At ang kanilang mga bibig ay talagang nanganga
Ngunit nakita ko na kinakailangan ko na palang bumababa
At hindi na rin ako nag-atubiling bumayad at pumara

Araw-araw, iba't ibang uri ng tao ang nakakasalamuha
Kaya parating ngumiti at huwag lumuha
Dahil ngayon ay araw ng mga puso
Tayo na at magdiwang dahil tayong lahat ay may puso
piyesa para sa Araw ng mga Puso
Pero february 19 na! HAHAHA pero it's better to be late than never, nga diba?
Feb 2018 · 1.7k
Siguro, Baka. Paalam.
HYA Feb 2018
Alam mo 'yon?

Yung titingin ka lang sa kawalan
Habang pinagmamasdan
Ang mga talang nag-aatubiling hagkan
Ang bawat taludtod na sa iyo ko ipinangalan

Sa una nating pagkikita
Sa iyo, ako'y sobrang namangha
Sa lakas ng iyong loob na magsalita
Sa para sa iyo ay totoong tama

Noong muling nagtama ang ating mga paningin
Isa lamang ang aking dinalangin
At iyon ay iyo sanang dinggin
Ang tinig na nagmimistulang hangin

Pero hindi na tayo pwede sa pangalawang pagkakataon
Gustuhin man ay hindi na dapat pang umahon
Sapagkat meroon ng ibang nagmamay-ari sa aking panahon
Ayaw ng maipatahan ang luhang nag-aapoy ng ambon

Ngunit, bakit? Ikaw pa rin ang aking dinadalangin
Baka maaari naman kitang hilingin
Sa Maykapal kahit sa isang pagkakataon
At baka dahil dito, ako ay muling makakabangon

Sa ikatatlong pagkislap ng ating damdamin
Inibig ko na sana ako ay iyong mahalin
Hindi na makapaghintay pa na sagutin
Mo ang aking nag-iisang panalangin

Ngunit ngayon, ikaw na naman ang hindi pwede
Tayo ay parang kapre at duwende
Hindi itinadhana sa isa't isa upang ayusin ang pusong sira
At ipinagtagpo lamang upang ang mga puso ay mas maging masaya

Sabi mo, baka hindi naman talaga ikaw ang reyna ng buhay ko
Siguro. Ngunit ikaw ang araw ng umaapaw kong mundo
Hindi mo alam kung gaano kita iinibig
Na kahit puso't isip ko ay pumigil sa pagkabig

Mukhang tama ka nga rin naman
Tayo ay mga bangka lamang na pilit na ipinagkita
Upang kahit sanggayon ay makakaway sa isa't isa
Mga luha natin ay dapat ng punasan
Mailalayo man ang mga kamay, mga alaala ay hindi makakalimutan.

Hanggang dito nalang, Celeste Francisco.
Masakit man, kailangan na nating pakawalan ang damdaming ito.
Meet me in St. Gallen, please HAHAHAHAHA

-not necessary to read-

So, I was told to make a spoken poetry for Valentine's. The first thing I wrote was ****. Not kidding. Even I cringed when I read it HAHAHAHA
However I can't do anything about it since we needed to present it to the class after that day. Aannnd, thank the Almighty for giving me an inspiration wahahhaha. Well, I was hurt that night and it gave me the strength to write. ☺It had a looot of errors since I did not have the chance to proofread it LUL Kidding, I had all the time to do it but I was lazy. The presentation was moved to February 19 (today) so yes, you can call me lazy. I am talking about this because I was really flattered when I saw their reactions and when I heard their applause while I was presenting our piece. Mayghad, thank you, Lord. It is entitled 'Iba't Ibang Uri' and maybe I'll post it here some time.

You did not really need to read this hahahaa I'm just really joyful today hehe.
Jan 2018 · 4.7k
Parang Ayaw Ko Nang Sumulat
HYA Jan 2018
Sa segundong tinatapos ng araw
Ang iyong mga ngiti ang aking sinisigaw
Humihingi sa kapalaran ng iyong pagpapahalaga
Habang nauubusan ng mga salitang maaaring maitugma

Sa mga sariling panaginip na aking binubuo
Na kahit ang aking utak ay patuloy na nalulumpo
Mga tawang kahit sa iba mo na inilalahad
Waring ang melodiya ay napupunta sa aking palad

Ngunit sinta, parang ayaw ko nang sumulat
Kung parati ko nalang nalalasahan ang tipik na maalat
Ang plumang hinahawakan ay nauubusan na ng tinta
Ayaw lumabas sa kaniyang lungga kaya ako ay kanyang binabanta

Saad ay tapusin na ang pagsusulat
Ng mga aninong nasosobrahan sa pagiging tapat
Iyong pagpapahalaga, iyan lamang ang hinihingi
Subalit, mahal, bakit parang ikaw ay nabibingi

Ayaw ko nang sumulat, nakakapagod na
Nauubusan na yata ako ng mga parilala
Na maaaring maitugma sa mga karanasan
Na pinipilit ng aking nakakaumay na imahinasyon na balikan

Tapos na, hanggang dito nalang ito
Sa dami ng mga piyesa, ikaw ang laman, ikaw ang itinuturo
Kaya, mahal, ayaw ko nang sumulat
Kung ang aking tinta ay nagiging kasing kulay ng dugo kapag napupunta sa iyong balat
ayoko naaaaaaa
INSPIRATION PLEASE. PLEASE. PLEASE.
Jan 2018 · 607
Lihim Na Nabunyag
HYA Jan 2018
Isang lihim na pilit na tinatago
Sa loob ng napakaraming taon ng anino
Biglang nabuhay sa bibig ng tuwina
Bakas ng kahapon, nagising sa aberya

Sa inukit na alaala ng mga ngiting makaluma
Alaala ng kasiyahan, poot ng pagkakasala
Pilit na bumabangon sa hukay ng panahon
Upang maibalik ang mga nawalang pagkakataon

Subalit habang siya'y may kasamang mga tugma
Nakitipon ang mali na pinilit na maging tama
Ang mga tengang sinungaling na tumutulak sa bangin
Ang mga bibig at utak na totoong salarin

Sa isang sekretong binuhay ng panahon
Sa isang sekretong itinama sa baton
Sa isang sekretong noon pa inilibing
Na ngayon ay handa na upang ako ay singilin
dead.
Jan 2018 · 517
Sariling Kasakiman
HYA Jan 2018
Sa gitna ng aking pakikipagtalastasan
Ako'y iyong kinamuhian
Ika'y tinignan sa mga mata
At doon ko natanto ang pagkakasala

Ng aking plumang nasa kamay
Ng mga salitang handa kong ialay
Sa mga bathala kapalit ang iyong buhay
Kahit na ang sarili'y mawalan ng malay

Binilang ko ang mga salitang aking nabanggit
Iniwan ko ang mga alaalang aking nakamit
Sa aking pakikipagtalastasan
Sadyang ang aking kaluluwa'y naiwan

Sa gitna ng hita ng magandang dyosa
Habang siya'y umiiyak at nagdurusa
Doon, doon ako naiwan
Sa inakala kong kalangitan

Masahol pa sa impyerno ang aking nadama
Totoo nga na ang aking pagkakasala ay masama
Isasaulo ko ang lahat ng nalalaman
Kahit na masahol pa ang mga ito sa masamang halaman

Ngunit, sa ngayon, ika'y tatanungin
Ano nga ba ang kasalanan na dapat kong angkinin?
Yung  pinapagalitan ka dahil sa kasalanang hindi mo ginawa HAHAHAHAHays
Jan 2018 · 676
Sampung Numero Ng Kasalanan
HYA Jan 2018
Kasalanan mo na kung matatamaan ka.

Isa.
Isang salita lang ang kaniyang binitawan
At siya naman ay agad **** pinaniwalaan

Dalawa.
Dalawang puso, noo'y nagmamahalan
Nawala ang isa kaya sarili ngayo'y ipinagsisiksikan

Tatlo.
Tatlong beses na siyang humanap ng kapalit mo
Magaling ka nga naman sa akademika ngunit sa pag-ibig ay sobrang bobo

Apat.
Apat na araw kang naghintay sa kanyang pagbabalik
Hanggang sa nakita mo siya kasama ng iba habang nakikipagtalik

Lima.
Limang opinyon ang iyong inilahad
Subalit bumabalik-balik pa rin ang iyong kamao sa kanyang palad

Anim.
Anim na segundo ang lumipas pagkatapos ng iyong paglipad
Sa kalangitan na totoong nakakakita sa iyong abilidad

Pito.
Pitong rosas ang kanyang ipinadala na siya raw ang nagtanim
Kahit ang mga ito'y pinitas niya lang sa inyong hardin

Walo.
Walong katotohanan lamang ang kanyang naisabi sa iyo
At sagot mo, "wala naman talagang perpekto"

Siyam.
Siyam na tala ang kanyang sinungkit para sa iyo
Ngunit sa iba, ang sinungkit niya'y...

Sampu.
Sampung tula na ang ibinahagi upang ika'y maliwanagan
Kaya, giliw, nakikita mo na ba ang ginagawa niyang kasalanan?
heeey
Jan 2018 · 4.3k
Pabalik At Papunta
HYA Jan 2018
Huminto ang pagtibok ng puso
'Pag ang tingin ay sa'kin nakapako
Huminto ang pagtakbo ng oras
Sa laro ng pagiging patas

Mata'y nagtama
Kahit hindi itinadhana
Ako'y napapatingin sa kaliwa
Kapag ika'y nakikita sa gitna

Nang tumingin sa kanan
Iba ang iyong nakuhanan
Na para bang isang litrato
Na ako ang nagsisilbing anino

Tilang naghahangad sa iyong magarbong atensyon
Subalit parating nahuhuli sa aksyon
Sinusubukang tumakbo papalapit sa'yo
Pero parang isang sakit na iniiwasan mo

Nagtanong sa sarili kung kinamumuhian ba
O kaya saan ako huling nagkaaberya
Sinubukang linisan at ayusan ang sarili
Pero kapag nasa iyong harapan, nagiging pipi

Tinanong mo kung maayos lang ba ako
Hindi ko alam kung ang ipinapakita mo'y totoo
Natatakot na baka ako'y iyong saksakin
Kahit ngitian, ako'y hindi mo hahamakin

Ngunit kung mamarapatin mo sana, ako'y iyong yakapin
Ang mga malalakas na braso, sa katawan ko'y panatilihin
Bagama't kahit na ika'y dapat kong katakutan
Hindi ka pa rin nawawala sa isipan

Sa kababasa ko ng maraming libro
Naghahangad na ang iyong pagtungo saki'y magbago
Napapantasya sa mga bagay na hindi naman dapat
Subalit kahit anong gawin ko, hindi parin sapat

Sa libro ko nalang ba iisipin ang lahat
O ang mata ko'y kailangan nang imulat?
Sa katotohanang sa una pala'y alam
Ngunit pinipilit pa ring mag-isip mangmang

Sa kapansin-pansing ngiti
Na sa akin ay tumatali

Pabalik sa mga librong ikaw ang pinapantasya
Pabalik sa mga pangungusap na
humahanap sa nakatagong hustisya
Pabalik sa kalsadang una kang nakita
Pabalik sa sakit na sa aki'y itinadhana

Pabalik sa tawang iyong inilahad
At papunta sa kasalukuyang paghingi ng patawad
Pabalik sa rosas na para sa akin ay inalay
Papunta sa bulaklak na sa iba ay may pakay

Pagbabalik sa mga ala-alang ika'y naging akin
Papunta sa kasalukuyang hindi dapat panatilihin.
Wrote this with ma fren, Kheisa Selma.
This was an unexpected one and it turned out good so yeah, there's no way I would not post this.
Dec 2017 · 1.4k
Galit Ka Na Naman
HYA Dec 2017
Bumabagay sa'yo ang sando kesa sa bibi bra
Kung sinuman ang magsisinungaling ay siya ring tanga

Bibi,  biro lang. Galit ka na naman.
Napagtanto mo na ba kung saan ang iyong likod at harapan?
Ang pagdadalawang isip kung saan ilalagay ang bag ay hindi maiiwasan
Kahit na sa tingin ko'y hinding-hindi mo na malalaman

Pader, biro lang.  Galit ka na naman
Ngayon lang,  ngumiti ka naman diyan
Kung ikaw na lang ang nag-iisang babae sa mundo
Hindi pa rin ako papatol sa'yo bagama't hindi tayo talo

Ito'y tatapusin ng isang paalam ng hangganan
Mga sinabi ko'y huwag **** ipagpaliban
Sapagkat kahit na ganyan ay hindi kita iiwasan
At ito pa ang mas nagpapatibay sa ating samahan.
Sinabak ko ang giyera
Nang sinabi kong flat ka
Dec 2017 · 46.2k
Ako Na Ang Lalayo
HYA Dec 2017
Tayo'y pinagtagpo lang pala
At hindi itinadhana para sa isa't-isa
Tayong dalawa ay patuloy na umaasa
Ngunit ngayon, kailangan ko ng lumayo. Pasensya.

Sabi mo, gusto mo ako
Aking puso't isip ay nagtatalo
Kung maniniwala ba sa sinabi mo
Dahil baka ikaw lamang ay nalilito

Nalilito sapagkat ako lang naman ang kasama mo sa lungkot
Nagbabalewala sa utot **** kay bantot
Nagpapasaya sayo kapag hindi mo kayang tumawa
Sumasagip sayo kapag ika'y naaaberya

Yung totoo, gusto mo ba talaga ako?
Tandaan, ang gusto at kailangan ay hindi magkapareho
Huwag **** pilitin kung hindi naman kaya
Tanggap ko na noon pa,  huwag kang mag-alala

Kaya mahal, ako na ang lalayo
Subalit bago iyan, iiwanan kita ng isang payo
Minsan,  kailangan mo ring sundin ang iyong puso
Dahil kapag utak lang lahat, ito'y maglalaho

Sana maging masaya ka sa kanya
Alam mo kung sino tinutukoy ko,  bwesit ka
Simula't sapul, diba siya naman talaga?
Brad,  matalino ako, hindi tanga

Sige na. Pinapalaya na kita
Kahit anuman ang mangyari, may tagasalba ka
Huwag ka ngang duwag,  ano ba?
Huwag kasing ipagpilitan sakin ang sarili kung gusto mo pa siya.

Lalayo na ako ha?
Lalayo na ako bago kita malayo sa kanya
Paalam, aking sinisinta
Heeey awis
Nov 2017 · 10.1k
Balik sa Tagpuan
HYA Nov 2017
Dinggin ang hininga ng may alikabok
Unawain ang kamay pagkatapos ng suntok
Mahalin ang pait sa matamis na mansanas
Tignan ang pagbuhos ng tubig mula sa itaas

Obserbahan ang lahat ng ito, mahal
Sapagkat kahit kamay mo'y hindi mahawakan
Bumalik ka sa ating munting tagpuan
At punasan ang luha sa aking pagtahan

Ngunit hindi pwede ang pag-iibigan sa aking piyesa
Kagaya nalang sa iyong pagngiti ay hindi dapat gawan ng malisya
Ang simpleng pagtawa ay nakakahumaling
Kaya dapat ikaw din ay magbighani sa akin

Hindi nga, hindi ito pwede
Kahit ang magustuhan kay napakaposible
Ako'y natukso sa magarbong panganib
At ikaw, sinisinta ko, ay nasa kanilang panig

Tayo'y pinagtagpo ngunit hindi para sa isa't isa
Kagaya ng isang mundo at ng kometa
Sa kanyang paghulog, marami ang nahalina
Kasabay nito ang pagwala ng kanyang presensya

Kagaya ng mismong puno at ang mga dahon nito
Pagkatapos ng kasaysayan ay mahuhulog din sa pinto
Na para bang ikaw at ako
Ikaw ay nakatayo habang ako'y nahuhulog papalayo sa iyo

Bumalik sa ating munting tagpuan
Kahit ikaw naman talaga ang sariling tahanan
At doon ko tatapusin ang aking panaginip
Kung saan ikaw ay naging akin kahit na saglit
written with wis dedicated to Mhaye Louisse hehe♡
Nov 2017 · 1.8k
Pasensya. Pasensya Talaga.
HYA Nov 2017
Patawad kung  ang aking mga likha ay hindi masasaya
Patawad kung ang aking mga piyesa'y hindi nakakatawa
Patawad kung hindi magaganda ang aking isinusulat
Patawad kung ginagawa ko ang mga iyon habang ang mga mata ay hindi nakamulat

Hindi ako magaling ngunit pinipilit ko
Pinipilit kong sumulat upang maipalabas ang nararamdaman
Ang mga pighati na noon pa nakakulong sa isipan
At kung ito lamang ang nag-iisang paraan

Subalit ang aking mga sulat ay mananatiling sulat lamang
Kung wala namang nag-aabang
Kaya salamat na rin pala
At binasa mo ang aking mga salita

Dahil sa iyo, nabibigyan sila ng halaga
Ang mga sinisimbolo ng bawat letra
Iba't ibang kahulugan ang iyong nabibigay
Iba't ibang kahulugan kung bakit ito nabubuhay

Kaya salamat at pasenya
Ngunit ito ay ang aking hustisya
Kung ayaw nyo na, sana'y wag ninyo ng ipilit
Sana ay may naramdamang bago saglit

Pasenya, mambabasa
Ngunit hindi ko babaguhin ang mga piyesa
Ako ay isang makata
Makatang meroong sariling hustisya
Hahahahaha emoooo
Nov 2017 · 5.1k
Pakopya Naman Diyan!
HYA Nov 2017
Hala! Nakalimutan ko
Ano nga ba yung sagot nito?
Mababagsak na naman
May laman ba itong aking isipan?

Kahit paulit-ulit na intindihin
Wala talaga kahit na pilitin
Jusko, estudyante ba ako?
Siguro, sa pag-aaral ay dapat ng huminto

Oy, parang may sagot si katabi
Sisilipin ko nga nang kaunti
Kokopyahin ko na rin pala
Baka ako ay may pag-asa pa

Hinay-hinay lang, baka mahalata
Katabi, maawa ka sa tulad kong maralita
Maralita sa kaalaman
Maralita sa katalinuhan

Ngunit huwag kang mag-alala
Sapagkat aahon ako
Hindi man ngayon
Ngunit pagdating ng panahon

Hindi ako magaling sa ganitong larangan
Subalit ito ang magpapatibay sa ating pagkakaibigan
Kaya, katabi, pakopya naman diyan
Babawi ako sa susunod na pasukan

Ang paaralan ay hindi nagsusuri ng talino
At kundi ang pagkamasunurin mo
Patawad kung bobo ako sa mga ganitong uri ng bagay
Baka malapit ka ng dumayo sa sarili kong lamay

Yung totoo, nagsisikap naman ako
Para kahit papano, may masagutan akong numero
Nasanay na sa mga mababang marka
Ang buhay ko ay totoong may talim na

Kaya, katabi, pakopya naman dyan
Ang ganitong uri ng sitwasyon ay minsan lang naman
Kasi minsan lang din naman tayo nagkakatabi
Kaya pokopyahin mo ako kahit na kaunti

Kung pwede lang sana na maipakita ang sariling talento
Siguro ang pagkaperpekto ay noon ko pa natanto
Ay, walang namang perpekto
Sa mundong napupuno ng demonyo

Demonyong nakatira sa langit
Kasama ang mga anghel na lalong pumapangit
Kapag hindi nasusunod ang kanilang mga gusto
At ang mga sungay, hanggang ngayon ay nakatago

Katabi, huling pangongopya nalang ito
Sige na. Matatapos na ang huling minuto
Hindi na mauulit, hindi 'to isang pangako
Katabi, pwede bang mangopya sayo?

Tatlongpung segundo nalang
Labing-isang segundo nalang
Katabi, salamat
Isang segundo nalang


Maipasa na nga.
This note and poem are not related.

A new member of the family! Even though you're still in your mom's tummy, I already love you. I'm an only child but I have cousins whom I am close with and here you areeee! Welcome to this wicked life and don't worry,  we will protect you no matter what.

♥ I'm gonna let her/him read this when he/she grows up ♥
Nov 2017 · 18.3k
Sa Ating Pagtanda
HYA Nov 2017
Ikaw.
Yung unang lalaki na sa akin ay nagpatili
Ikaw.
Yung unang lalaking nanatili sa aking tabi
Ikaw.
Ang unang lalaki na nagpasagot sa aking ng 'oo. '
Ikaw.
Ang unang lalaking nagpasabi sa'kin ng 'father,  yes I do.'

Kaya bakit naman kita makakalimutan?
Sa aking isip at damdamin,  hinding-hindi ka mapapalitan
Sa iyo ko naramdaman ang sensasyong akala ko'y imposible
Sa iyo ko nalaman na merong mga bagay pala na pwedeng mangyari

Kapag tayo'y magkasama
Higit pa ang aking saya
Minsan nga lang ay nalulungkot
Ngunit napapatawa rin naman sa iyong pag-utot

Hanggang sa pagputi ng ating mga buhok
Hanggang sa pagkalbo ng lahat ng bundok
Hanggang sa aking huling salita
Tandaan na ang iyong pangalan pa rin ang isasamba

Ikaw.
Ikaw lang ang kinakailangan.
Kinakailangang maglapat ng labi sa akin.
Ang pwedeng sumigaw upang ako'y gisingin.
Ang maaaring yumakap sa mahinang bewang
Kahit na parang nababali na ang noo'y masiglang balakang

Ikaw.
Ikaw lang ang aking hahanapin.
Sa aking pagtulog hanggang sa paggising
Sa pagpikit ng mga matang ikaw lamang ang nakikita
Sa pagdilat ng mundong puno ng pagkakasala.

Sa ating pagtanda,
Tayo pa rin ang magsasama
Magkahawak kamay at ngingiti sa isa't isa.
Ako'y iyo at ika'y akin
Mga pangako'y di na dapat bawiin.

Sana,  ikaw din ang huli
Na sa akin ay magpapatili
Ikaw din ang huli
Na mananatili sa aking tabi
Pangako,  hanggang sa dulo ng aking 'oo'
Hindi maglalaho sa alaala ang iyong mga katagang ako lamang ang iyong gusto.

Sa ating pagtanda,
Alalahanin mo sana
Na ikaw ang mahuhuli sapagkat ikaw din nauna.
Wis and I wrote this for our grandparents. STAY STRONG!
Oct 2017 · 2.0k
Lumayo Sa Panganib!
HYA Oct 2017
Mahal, lumayo ka sa kanya
Siya ay mapanganib at maaari ka niyang saktan
Mahal,  huwag kang manatili sa kaniya
Sapagkat siya ang engkanto sa masamang halaman

Huwag.  Dito ka muna.  Dito ka lang.  
Mahal, sasama ka ba sa katulad niyang hibang?
Takpan ang mga mata. Huwag kang lalayo.
Hintayin natin ang pagdating ng mga santo sa pinto.
Ngumiti ka. Ngunit sa akin lamang.  
Ako ay matamis habang siya ay matabang.  

Mahal, manatili ka sa aking tabi
Ilapat mo parati sa'kin ang malumanay na labi
Ang mga braso, sa akin lamang nakayakap
Siya ang apoy at ako ang ulap

Sa akin,  hindi ka masasaktan
Pangako,  hindi kita iiwanan
Basta't manatili ka sa aking kiliran
Hindi ka na mag-iisa kailanman

Ngunit,  kung lahat ng ito'y susuruin
Baka mawalan na ako ng lakas upang ika'y patahanin
Kung pagmamasdan mo nang maigi ang mga mata kong madilim
Malalaman mo ang aking nililihim

Mahirap.  Mahirap talaga.  
Ngunit ako lamang ang iyong pag-asa.
Mamili ka, siya o ako?
Ipaalam mo sa akin kung saan ako tatayo
Sa impyerno ba na aking kinagisnan
O sa langit na para sa'kiy di pangkaraniwan

Ako man o siya,
Wala kang kawala
Sa lugar na maaraw o sa liblib
Kalimutan **** ako ang mismong panganib.
Magandang buhay sa mga taong may buhay!
Oct 2017 · 2.0k
Hanggang Panaginip Lamang
HYA Oct 2017
Sa bawat panaginip,
nandoon ka
Tila may gustong
sabihin si Langit
kay Lupa

Lahat ng iyon,
natatandaan ko pa
Ikaw lang dapat
ang humusga

Tumawa ako sa
naiinis **** mukha
Na ngayon ay
nakalimutan ko
nang tila

Isa pa noong tayo'y
dumalo sa sapa
Lumangoy ako na
para bang isang bata

At huli, yung sumali
ako sa kompetesyon
Hindi ka nahuli sa
aksyon

Pinahiram mo ako sa
tsinelas **** puti
Ayaw mapigilan ang
pagngiti ng labi

Subalit sino ka nga ba?
Alam mo bang
hanggang ngayon,
hinahanap kita?

Halos isang buwan
akong naghanap
Tinatanong ang hanging
na nalalanghap

Sana ay makita kita
Kahit na bilang
estranghero't di
mo kilala

Nanatiling sabik ang
ako sa iyo
Kahit pakiramdam ko
na magkakilala na tayo

Ngunit, oo nga't
ika'y mananatili lamang
sa aking panaginip
Papahiramin na naman
sa iyong tsinelas na
mapanganib
Amboooot HAHAHA! Sana mabasa rin ito ng taong parating nasa panaginip ko. Oy, dedicated to sayo! Kung sino ka man hehe.
Oct 2017 · 56.4k
Parati Nalang
HYA Oct 2017
Nanginginig, nangangamba
Na baka ikaw saki'y mawawala
Nakatulala, walang imik
Ang damdami'y napupuno ng tinik

Kasi parati nalang talaga
Na kailangan kong sumuko kasi mahal ka niya
Oo, inaamin ko, hindi ko nasasabi sa'yo
Sapagkat alam ko na rito naman ito lahat tutungo
Wis, sadlyf.
HYA Aug 2017
Handa na ako
Na makipagkita sayo
Ngunit nakalimutan ko na
Sayo'y may nagmamay-ari pala

Unang tanong, bakit ngayon pa?
Kung kailan  masasabi ko sayo na
Noon palang ay mahal na kita
At hindi lang simple na mahalaga?

Patawad, ang bagal ko kasi
Sana ngayon sa buhay mo, ako'y parte
Hindi pa maibukas ang bunganga
Para sa tatlong simpleng salita:

'Sinta, minamahal kita'
Hanggang ngayon ay mahal parin kita
Paano ko nga ba makakalimutan ang katulad mo
Kung sa maraming taon, ikaw ang naging mundo ko?

Pangalawang tanong, nagsawa ka ba
Sa kahihintay sa mga katagang 'gusto kita?'
Mahal, sasabihin ko kahit huli na
Kahit alam kong walang mabubuong tayo nitong aking piyesa

Takot. Oo, nilunod ako ng takot
'Pag kasama ka, oras ay humihinto sa pag-ikot
Walang salita ang lumalabas sa aking bibig
Doon, napag-alaman ko na sayo pala'y umiibig

Ngunit, huli na
Sa pagiging tahimik, wala akong napala
Tinanong kita kung gusto mo rin ba ako
Sagot mo, "bakit ngayon mo lang sinabi to?"

Ngayon na ako'y nandito sa iyong harapan
Pangungusap, linya at taludtod ang nasa aking isipan
Subalit ang magagawa ko nalang ay ngumiti at tumango
Dahil kahit anong gawin, may nagmamay-ari na sayo
Inspired by '100 Tula Para Kay Stella'
Fidel, akin ka nalang please?
Aug 2017 · 1.2k
Maganda Ka, Sinta
HYA Aug 2017
Maganda ka, sinta
Sa sarili, magkaroon ng tiwala
Huwag papayagan na sila sayo ang huhusga
Ang katauhan ay regalo at hindi sumpa

May silbi ka, sinta
Maniwala ka kahit sabihin nilang wala
Nabuhay ka sa mundo para sa isang misyon
At hindi upang kunin ang kanilang mga atensyon

Pabayaan mo sila, sinta
Naiinggit sila sayo kaya ganyan kung umasta
Ang opinyon ng iba'y para lamang sa kanila
Kaya ikaw sana'y hindi na makinig pa

Magmahal ka, sinta
At hindi yung basta basta
Ngunit mahalin mo muna ang sarili mo
Bago ka magmahal ng ibang tao
Sa sarili, ikaw lamang ang pwedeng humusga.
Itong piyesa na ito para sa aking pinsan na sobraaaang liit ng tiwala sa sarili.
/Sana naman ngayon ay naiintindihan mo na. /
~hope you enjoyed
Aug 2017 · 4.2k
Walang Bibitaw!
HYA Aug 2017
Mahal ka namin, kaibigan
Sana'y hindi nakalimutan
Ang ating munting sumpaan
Na tayong lahat ay 'di mag-iiwanan

Kung ikaw man ay nahuhulog sa bangin
Pipilitin na ika'y makakakapit pa sa amin
Huwag ka lang sumuko, parang awa mo na
Isipin mo sana na para sa amin, ika'y mahalaga

Ikaw yung nawawalang piraso ng aming buhay
Ang aming kasiyahan ay sayo nakasalalay
Mahal ka namin, kaibigan
Nakalimutan mo na ba ang ating tawanan?

Hindi mahalaga kung gaano kalalim ang bangin
Hindi mahalaga kung ang repleksyon ay nawala sa salamin
Basta't hindi ka lang bibitaw
At mayamaya, kami na ay iyong matatanaw
Ito'y para sa aming napakamamahal na kaibigan na ngayo'y humaharap ng matinding problema.
Aug 2017 · 999
Kung Saan Ako Lulugar
HYA Aug 2017
Sa unang pagpasok ko nitong pintuan
Tumigil ang kanilang halakhakan
Ako'y napatingin sa kanilang mga mata
Dahil parang nawala ang saya ng bawat isa

Sa unang salitang aking sinabi
Pinaramdam na nila na ako'y hindi parte
Sa kung anuman ang kanilang kinabibilangan
Mas mabuti pang ako'y ilagay sa kulungan

Wala pala talagang lugar para sa akin
Ang kaibigan ko lang ay si awitin
Ang musikang aking naririnig ay sapat na
Ngunit bakit kailangang tapusin pa?

Tinanong ko ang sarili kung may nagawa ba
Sa iba na nakakasakit sa kanila
Sinuri ko nang maigi ang bawat sulok
Subalit tinatakpan ito ng makakapal na usok

Sabay nilang sinabing hindi ako nararapat
Mabuhay sa mundo ng mga tapat
Ako'y bunga ng isang pagkakamali
Imposible na ang makawala sa nitong tali

Pero susubukan ko parin
Patutugtugin muli ang aking awitin
Oo, kakayanin ko ang itong pagsubok
Kahit na katawan ko'y bumalik pa sa alikabok
Bakit nga ba puro malulungkot ang mga isinusulat ko? Simple. To express. Hindi ko talaga kayang sumulat ng masasaya kahit na masaya ako kase naipapakita ko yung kaligayan ko e. Pero pag nalulungkot? Nah. Hahaha. Dito nalang.  
I hope nagustuhan ninyo ito :)
Aug 2017 · 6.3k
Tao Lang. Napapagod Din.
HYA Aug 2017
Pinagalitan kasi tumatawa
Pinakita sa amin ang galit na mukha
Meron bang masama sa aming ginawa?
Masama bang itawa kaysa sa magsawa?

Nakakapagod na kasi
Ang pagsabihan ng walang silbi
Nakakapagod na ang umiyak
Ang puso'y mas lalo pang nawawasak

Pinipilit naming ngumiti
Pangako, pinipilit namin ang mga labi
At ngayon, kami'y pinapagalitan
Kahit 'di alam kung bakit iyon naging kasalanan
I'm so dead. Hindi ko nga alam kung bakit parati nalang ganito. Minsan kase nakakapagod nang umintindi sa kanila e hindi naman nila kayang intindihin kami. But nah, that's life.
HYA Jul 2017
Andali ng mga taong maniwala
Sa mga sabi-sabi ng ating madla
Ang mga mali ay ginagawang tama
Totoo, mga tao'y nagkakasala

Sila'y tutulungan, sila'y magagalit
Kung sila'y tutulong, dapat may kapalit
Kagaya nalang ng pabahay ng gobyerno
Maliit daw kaya sila'y nagreklamo

Mga reblede sa Marawi, kumikilos na
Ang kinatakutang martial law, dineklara
Ang iba'y nagalit, ang iba'y nagsaya
Halaga ng Pinas, meron ba talaga?

Binomba ang mga importanteng lugar
Ewan kung seryoso ba o pang-aasar
Ngunit 'di na nakakatawa itong kilos
O, Diyos ko, kailan ba ito matatapos?

Konti nalang ang mga gumagamit ng droga
Ang iba'y sumuko, ang iba'y patay na
Nagtatago pa ang mga natitira
Upang ang kanilang buhay ay maisalba

Ano pa nga ba ang ating ginagawa?
Halina't tayo ay sumugod sa gyera!
Kung saan ating naaabot ang tala
Kung saan kinakaibigan si karma
Dunno but hindi talaga ako satisfied sa kalabasan neto hahahha, baka dahil ginawa ko to for compliance but nah.

Checkout our poem for the sabayang pagbigkas entitled "Nasaan Ang Sinasabing Pagbabago?' This poem is our second option, btw. However, I like the first one better hehe. Thanks for reading~
HYA Jul 2017
Napakaitim na usok, mga bundok ay nakakalbo
Ngunit kahit na ganito, tayo'y hindi parin humihinto
Sa paggawa ng masasama kahit na ito'y nakakasira
Sa ating kalikasan na ngayon ay lumuluha

Noon, sila ay nagplano, ngayon, sila ay nagpaplano
Ikaw, matanong nga kita; meron bang pagbabago?
Sa ating bansa na nanatili paring nakakulong
Sa sarili pa nating kamay, pinapagulong-gulong

Napakaruming tubig, mga isda ay namamatay
Sila'y walang ibang mapupuntahan kaya naghihintay
Sa mga magliligtas ng kanilang mga buhay
At hindi sa mga taong sa kanila ang papatay

Ako'y may tanong, may pagbabago ba? May pagbabago ba?
Paano ito nakakaya ng inyong mga konsensya?
Ang kalikasan natin ay nawawalan na ng pasensya
Kahit hindi naririnig, hinahanap niya ang hustisya

Napakaraming papel ang nagagawa sa isang araw
Konti nalang ang mga kahoy na sa hangin sumasayaw
Ngunit pagkatapos ng lahat, tayo'y maapektuhan din
Ng problemang ating ginawa sa loob ng awitin

Kaya, bago maging huli ang lahat, tayo'y magbago na!
Habang magkakapit-bisig, mayaman man o maralita
Ngumiti, itaas ang noo at parating maging handa
Sapagkat mukhang babalik tayo ng may maraming pasa
(hindi kinakailangang basahin hehe)
Halooo~
Ito pala ay tungkol sa mga nangyayari kay inang kalikasan sa panahon ngayon. Nilikha ko ito para sa sabayang pagbigkas ng aming seksyon hahahaha!
ay, basta HAHAHAHAH Salut~
Jul 2017 · 6.4k
Magtitiis Pa Rin Ba?
HYA Jul 2017
Hindi ko alam kung bakit ganito
Yung pagmamahal ko para sayo'y unti-unting naglalaho
Ayokong sumuko, pangako, ayoko
Pero bakit iba ang sinasabi ng puso?

Sabi mo, magtitiis ka
Basta hindi ko lang sabihin na ayoko na
Tatanungin nga kita, kaya mo pa ba
Ang maghintay sa alam **** noon pa nawala?

Pinipilit ko namang ibalik ang dati
Kahit na ang bituin at buwan ay naging saksi
Ngunit ang hirap pala talaga
Patawad, parang sayo ako'y magkakasala

Ngayon, magtitiis pa rin ba?
Ipapako ba talaga ang mga paa?
Kung sasabihin ko na ang lahat ay huli na,
Magtitiis pa rin ba?
this is the reply to my other poem entitled 'Magtitiis Ako'
hope you enjoyed~
Jul 2017 · 2.2k
Magtitiis Ako
HYA Jul 2017
Noong una, ika'y napakalambing
Walang salita sa iyo ang maihahambing
Ating pag-uusap ay hindi natatapos
Hanggang sa aking boses ay makapos

Ngayon, parang ako'y kinakalimutan na
Hindi ko nga alam kung may tayo pa ba
Ngunit para sa'yo, magtitiis ako
Magtitiis ako hanggang ako'y malumpo

Gusto kong bumalik ang dating ikaw
Yung lalaking hindi nabubusog sa isaw
Yung mga araw na kung saan ika'y dumidikit
sa akin na para bang nang-aakit

'Wag kang mag-alala, magtitiis ako
Kung pwede lang sana, aking paa'y ipapako
Magtitiis ako, huwag kang mag-alala
'Wag mo lang sasabihin na ayaw mo na
Magtitiis ka rin ba katulad niya?
-The continuation (reply, rather) of this poem is entitled 'Magtitiis Pa Rin Ba?'  
I hope you enjoyed~
HYA Jul 2017
Sa dinami-daming tao sa buong mundo
Bakit ikaw pa ang nahuli ng malalaking mata ko?
Iniwas ko ang aking tingin sa iyo
Sapagkat napansin kong ang aking mga titig ay kanina pa sayo nakapako
Tumalikod ako't nagdarasal na sana sa paningin ika'y mawala
Dahil kung hindi, ako'y siguradong magkakasala.
Sa aking muling pagharap, nandoon ka parin sa iyong tinatayuan
Hindi ko na natiis kaya lumakad ako papunta sa iyong harapan
Tinanong kita kung bakit ika'y nandoon pa
Sabi mo naman ay may hinihintay ka
Nainis ako't tinulak ka papalayo
Subalit bumalik ka nanaman sa kung saan ka kanina nakatayo
Ang isip ko'y naguguluhan sa iyong ginawa
Sa pagtayo, hindi ba ka talaga nagsasawa?
Kinulit kita hanggang sa ika'y maglaglag sa lupa
Ngunit ang iyong utak ay nakalutang parin kasama ang mga tala
"Sino ba yang hinintay mo't nakatulala ka diyan?" Yan ang aking tanong
Hindi ka sumagot kaya ninakaw ko ang dala **** bagoong
Tinitigan mo lang ako't naghintay na naman
Sa taong kahit pangalan ay hindi ko nalaman
At mukhang sa aking mukha, ikaw na'y nainip
Nagsalita ka na may halong pagkagalit,
"Bakit ba ika'y naririto pa?
Hindi mo ba napansing gusto kong lumayo ka na?
Pag sinabi kong dito lang ako, dito lang ako
Kulang nalang, ang aking mga paa'y aking ipapako.
Hinihintay ko yang kaibigan **** pinapahintay ako
Tangina, kailan ba talaga iyon sasagot ng oo?
Alam ko namang hindi mo ako tutulungan
Baka itakwil mo pa ako't ipaligaw sa lansangan.
Kaya dito lang ako
Hanggang sa sasagot siya ng oo
Kahit hindi man ngayon at baka hindi bukas
Maghihintay ako hanggang sa aking mga buhok ay malagas."
Sa sobrang haba ng iyong sinabi, isa lang naintindihan ko
Magiging martyr ka dyan hanggang sa magsasalita ang mga aso
Bakit ba ganon kung makipaglaro si Kupido?
Hindi mo rin ba napansin na ako yung nasa harapan mo?
At sa lahat pa nga naman ng pwede **** magustuhan
Napili mo pa talaga ang aking kaibigan
Ano nga ba ang meron siya na wala ako?
Sabagay, siya naman talaga ay isang perpekto
At ako'y isang babaeng kapatid ng isang demonyo
Maganda siya, maputi at napakabait
Mga bagay na hindi ko magawa kahit anong pilit
Kapag kaming dalawa'y kasamang maglalakad,
Parang ako ay isa sa mga natulungan niyang kapos palad
Lintek naman talaga buhay to o!
Kailan ba ako makakahanap ng taong magugustuhan ako?
Baka sa aking libing, oo, tama, tama
Sa ayaw at gusto ko, lalagyan nila ng kolorete ang aking mukha
Baka pag kanilang tititigan ang mukha kong ito
Mahuhulog sila sa akin kahit wala pang isang minuto.
Bumalik nga tayo sa kung saan tayo huminto
A, oo. Doon sa kung saan sabi **** iyong gusto ang kaibigan ko
Isa ka pa sa mga manliligaw niya
Sana, kahit maliit lang, magkaroon ng aberya
At kung kayo man talaga ang magkakatuluyan pagkatapos nang mahabang panahon
Sana maging masaya kayo't huminto na ang pag-iyak ko ng ambon
Ay, drama. Sige, okay lang naman talaga
Handa akong magparaya para sa kanya.
Kapag ika'y tinanggihan niya balang araw
Pumunta ka sa amin at sana'y hindi ka maligaw
Patatahanin kita hanggang sa hindi ka pa makakaiyak pa
Pangako yan kaya ipasok mo yan sa kokote mo ha?
Tumalikod na ako't inisip ang iyong galit na mukha
Sabi mo nga, kung doon ka, doon ka
Napangiti nalang ako't inisip ang mga pwedeng mangyari pagdating ng panahon
Kung kayo man talaga, masasabi kong iyan ay dahil nagparaya ako noon.
please tell me what you think :)
Jul 2017 · 3.0k
Tama Na. Ayoko Na.
HYA Jul 2017
Ang aking pinakamatalik na kaibigan noo'y gustong bumalik
Ngumiti lang ako sa kanya at binigyan siya ng halik
Gustong bumawi ng unang lalaking nang-iwan sa akin
Niyakap ko nalang siya sapagkat ayoko na kahit na pilitin
Makikipag-ayos sana sa'kin ang aking kaaway
Pero hindi ko na kayang maubusan pa ng laway

Ito ay dahil... ayoko na.
Tapos na ang pakikipagplastikan ko sa madla
Ayoko ng sabihin na okay lang ang lahat kahit na hindi
Tapos na ang aking pag-iyak nang sobra katindi
Kung sana, sila'y nanatili at hindi bumitaw,
Hindi na sana napilitan ang panahon na pumataw
Tama na, tapos na dahil nangyari na
Ang utak at puso'y sabay sa pagsabi ng 'hindi na kaya.'

Panahon ko na upang intindihin ang aking sarili
Panahon ko na upang bumitaw sa 'di mabitawan na tali
Panahon ko na upang magkaroon ng sarili kong panahon
Panahon ko na upang sa kalungkutan, ako'y makaahon

Ayoko ng makipaghalubilo sa mga tao sa paligid
Sapagkat alam kong buhay ko'y magsisimula nanamang tumagilid
Uunahin ko na naman sila kesa sa aking sarili
At kapag ako ang mangangailangan, sila'y mag-iinarte
Ano nga ba ang silbi sa aking pagtulong
Kung sila mismo sa'kin ang magpapakulong?
Oo, alam ko. Wala naman akong ginawang mali
Sapagkat kahit anong gawin ko, para sa lahat, wala naman akong silbi

Kaya, kaya. Kaya uunahin ko ang aking sarili kesa iba
Mamahalin ko ang sarili kagaya ng pagmahal ko sa mga tala
Aking papatunayan sa lahat na kahit ako'y ganito
Kaya kong makipaglaban gamit ang utak ko
Isasara ko muna ang aking nakabukas na pinto
Upang mas mabuti kong mapagmasdan ang aking anyo
Tatanggapin ko ang mali sa'kin na hindi na pwedeng baguhin
Alam kong ito ay makakaya kahit na hindi pilitin

Huwag mag-alala sapagkat babalik din naman ako
At 'pag nangyarin 'yon, mas malakas na ang damdamin ko
Magiging marunong na sa mga bagay na dapat gawin
Kung ano ang nararapat at anong kailangan panatilihin
Ngunit, sa ngayon, alam kong hindi iyon magagawa
Hanggat hindi ko maibalik ang dati kong saya
Babalik ako, tandaan ninyo iyan
Hindi naman pwedeng aawat ako magpakailanman
Hello!

— The End —