'n blouvalk les dors
waar my watertenk lek
dit wat gebreek is
het steeds 'n plek
al is dit gekraak
al maak dit 'n vlek
een se wond
is 'n ander se lek
Nov 2, 2024
Nov 2, 2024 at 4:54 AM UTC
party van ons
sit buite tyd
sweef bo die pad
wat net een kant toe kyk
party van ons
sien sirkel pleks van lyn
leef die ewige siklus
sonder om te kwyn
Dec 16, 2022
Dec 16, 2022 at 1:45 PM UTC
glimmende
harde wit lig
rol polsend
waar die grond
voor die lug swig
Sep 11, 2022
Sep 11, 2022 at 4:57 AM UTC
fyntjies fyntjies
dans op ‘n lem
hou die pyn
uit jou stem
liggies liggies
oor donker water
dobber vlak bo-op
sink saggies later
en dan
duik diep
deur die duister fluweel
van die sagte nagsee
gaan terug na wat jy is
swem deur die seer
anderkant die doop
sal alles dieselfde wees
behalwe jy
blaas jou eie vlam
smee jouself vry
Aug 18, 2022
Aug 18, 2022 at 12:59 PM UTC
as the world empties
of your icons and dreams
old, now, and dying
the actors you know on screen
the musicians and poets
that stitch up the scenes
of your life
flowing
ahead of you
in the stream
spirits blown forward
in the wind
Jun 6, 2022
Jun 6, 2022 at 12:04 PM UTC
i’ve known you longer than i haven’t
the weight
of time
is lighter
as we carry it
together
our bond
is not
a chain
it’s a light
strong tether
May 27, 2022
May 27, 2022 at 11:50 PM UTC
nóú is alles
dit verdwyn
of jy laat los of klou
glip deur
jou geheue as jy gryp
na die moes en sou
dis die vegeetbare rituele
die nietighede
wat ons op
ons voete hou
vou jou wasgoed
voer jou kinders
koester jou kleinood
onthou
om te onthou
May 13, 2022
May 13, 2022 at 11:01 PM UTC
ek is
‘n honger wese
my lyf verslind alles
wat kan verteer
my brein smag altyd
na meer en meer
niks is sover genoeg nie
my keel bly oop
ek drink diep en weer
aan die kelk
van die lewe
‘n dors geles
is ‘n oop deur
na ‘n nuwe smagting
ek bly
‘n honger wese
my ewige lus
is die soetste geur
die beste sous
vir alles
wat ek so swaar leer
dis die poort
na dit wat ek begeer
May 6, 2022
May 6, 2022 at 11:58 AM UTC
trek jou kos uit
die modder
druk jou wortels
donkerdiep
suig jou lewe
uit die lig
reik jou takke
tot die bloue niet
drink alles om jou in
en draai dit tot groei
rig jou gesig na die son
tot jy bot en bloei
dis hier waar jy staan
tot hier het jy gekom
hier is ‘n kans
‘n plek om te blom
Apr 13, 2022
Apr 13, 2022 at 12:27 PM UTC
alles
wat ek nog ooit
wou gehad het
het klaar deur my
vingers gevloei
alles
waarvoor ek nog ooit
gevra het
is gekry
en voor gebloei
alles
wat ek nog ooit
gegee is
se waarde het aanhou
groei
al wat ek kan sê is
dankie
soos die lewe
deur my gloei
Mar 16, 2022
Mar 16, 2022 at 1:05 PM UTC