pag-ibig minsa'y hirap mawari,
iyaka't magagalit,
iwana't lumalapit,
talagang nakakapagod,
sarap tumalikod ngunit...
pag-ibig muli'y manawari.
Nov 18, 2019
Nov 18, 2019 at 9:22 AM UTC
mga naghahanap ng lunas,
bibig; buka lang ang alam,
kamay nalimot maghugas,
"masama" ang pakiramdam.
Mar 15, 2019
Mar 15, 2019 at 12:00 PM UTC
dito ka sana kumislap,
dito ka sana bumagsak,
handa na aking yakap,
itatabi ang iyong iyak,
... sa iyong pagbagsak.
Oct 1, 2018
Oct 1, 2018 at 4:22 AM UTC
sa ilalim ng mga dumaraang ulap,
kasabay ng mga walang kabuluhang numero,
ay hindi maglalahong panatilihin,
ang ningning na ito para sa'yo,
tulad ng liwanag ng buwan;
minsan ay masela't matamis.
Sep 16, 2018
Sep 16, 2018 at 11:37 AM UTC
unang patak nitong tintang,
patak ng dulo'y simula;
nitong dulo'y walang tuldok,
tintang; simula tuldok, subok.
Aug 12, 2018
Aug 12, 2018 at 3:06 PM UTC
nang nasabi mo ang 'yong takot,
hawak ko na noon ang kumot,
'di ba kay sarap sa damdamin?
mabuti tayo ay umamin.
Aug 7, 2018
Aug 7, 2018 at 12:16 PM UTC
ikaw ang matayog na ulap,
dulo ng lingas ay nahanap,
tagapagpatahimik nitong kulog,
bagyo'y naging ambon sa aking pagtulog.
Jul 7, 2018
Jul 7, 2018 at 1:57 PM UTC
ang huling bilang ay tatlo,
papalapit na ang tagpo,
roon hihinto ang paggalaw,
hahayaang puso'y magsayaw.
Jun 7, 2018
Jun 7, 2018 at 2:49 PM UTC
mga matang lumilipon,
na wari’y bagyo’t alon,
sa sulyap ako’y lumipas,
nalunod yakap ang lunas.
May 8, 2018
May 8, 2018 at 12:53 AM UTC