at hindi mo 'man ako alalahanin
sa paraan na aking gustuhin
hindi mo na rin siguro sasaliksikin
na kung bakit ikaw ang paksa sa "kung paano ako mahalin"
hindi na rin para iyong mabatid at dinggin
sapat na ang yapos ng hangin na may panalangin
hindi ka 'man naging akin
minsanan din naman kitang na-angkin
Sep 4, 2024
Sep 4, 2024 at 5:11 AM UTC
The path went blurry
I loose my track
Distracted by you
When will I get back to life?
Keeping my eyes close
I don't want to see
The world you introduced
Created by you and me
Jan 8, 2022
Jan 8, 2022 at 10:01 PM UTC
sa hindi sadyang pagkikita
mga matang aligagang nagtugma
bagkus pinagsawalang bahala
ba't paglalaanan ang 'di kilala
mga hindi tukoy na adhikain
ultimo interes iyong hahagilapin
bakit sayo'ng presensya pa-aalipin?
kung dusa't pighati ang siyang babaunin
mga kalakip ng hiram
hantungan ay paalam
wala kung sino ang may alam
mga damdaming kumakalam
Jan 28, 2021
Jan 28, 2021 at 2:13 AM UTC
karagdagang saya
ay 'di nangunguhulugang
kabawasan ng lumbay
Dec 28, 2020
Dec 28, 2020 at 12:30 AM UTC
Sana hindi na sinambit
pa ang mga katagang
"nandito ako para sa'yo"
Na sa tuwing ika'y aking ginugusto,
trato mo saki'y panggulo
Nawa'y hindi mo nalang
ipinaramdam na minsan
mo akong inako
Kung sa huli'y wiwika na...
"patawad, ika'y napunta sa'kin— maling tao"
Dec 23, 2020
Dec 23, 2020 at 3:50 AM UTC
Gusto kong makalimot
Gusto kong kalimutan lahat
Lalo na yung masasayang alaala
'Yun yung mas masakit, mas gumuhit
Kung paano ka naging sanhi ng aking pag ngiti
Ngayo’y katumbas kung gaano kahapdi
Bumalik ka sa simula
Tignan mo kung gaano ka
kasaya pag kasama siya
Kung gaano ka niya napapasaya
sa walang kwentang bagay
Alalahanin mo siya,
siya lang yung kayang
mag pangiti sayo ng tunay
Isipin mo lahat ng plano n'yong dalawa,
lalo na ngayon, kung paano makakamit
Iba siya,
kasi s i y a
yung naging tahanan mo
noong mga oras na naging palaboy ka
Dec 22, 2020
Dec 22, 2020 at 8:27 PM UTC
Lungkot at bugnot sa kawalan
Mga suwestiyon sa kapaligiran
Sa kung paano nila pinangangatawanan
Lahat sabik sa kasarinlan
Sa bawat paling ng labi
Matang may tagong hikbi
Lumbay ang tanging katabi
Paano uusad sa bawat gabi?
Hahayo't mag papatuloy
Minsang naging sabik sa daloy
Subalit bunga'y nalunod sa kumonoy
Nais matamasa biyayang sinaboy
Dec 22, 2020
Dec 22, 2020 at 7:10 PM UTC