Ikinulong mo na sa'yong sarili
Ang patinig sa'yong pangalan
Kung paanong itinatago ng 'yong mata
Ang katotohanan sa mga katanungan
Napangunahan ba kita ng sigaw sa'king puso,
Kaya nasambit **** di lahat ay totoo?
Nasukol ka ba ng 'king binubuntunghininga
Kaya tila naumid sa tugon yaring dila?
Giliw, di yata nalimot **** ang salita'y di pulos patinig lamang
Kaya binabalewala mo ang tunog sa mga pahiwatig
Giliw iyong alalahanin na ang lahat ng bagay may sariling tinig
Sa musika ng 'ting buhay, lahat nauunawaan sa kahit iilang pantig
Jul 14, 2015
Jul 14, 2015 at 9:03 AM UTC
May panapos din ang mga salita o parirala o pangungusap na di-buo ang diwa
Maaari ring hintuan ng mga patlang ang saglit na katahimikan
Tunay na isang pang-uyam ang linggwistika ng pag-ibig
Para sa isang taong tulad kong napagod na hanapin
Ang katapusan ng mga pangungusap na di mahintuhan
Jul 14, 2015
Jul 14, 2015 at 8:54 AM UTC
Dalawang Haiku ng Pagkahulog
Halimuyak mo
Sumasabog sa puso
Hinto ang mundo
****
Kalat sa daan
Gaya ng 'king pag-ibig
Tuyo at pisak
May 31, 2015
May 31, 2015 at 6:27 AM UTC
Tinatahi ko ang tubig sa'king kamay
Pinapanuot ang gayelong lamig.
Sa paghampas ng alon;
Habang binabagtas ang di malirip na kalawakan,
Sinisikap kong ilarawan ka.
At sinusubukan kong hanapan ng letra
Ang tubig-alat na nagpapalunod sa'king puso
Napagtanto kong sa pagpalaot
Sa gitna ng kalawakan at kalaliman
Habang ako'y iginigiya ng mga alon
Hahayaan kong dalhin ng hangin ang 'king layag,
Magtitiwala sa tibay ng katig
Mamamangka sa gitna ng kainitan ng araw
Hahalik sa'yong daluyong ng kalayaan
May 31, 2015
May 31, 2015 at 6:15 AM UTC
Marahil ito'y isang pagkamangha
Dahil nag-iiwan ka ng kuryosidad
Sa aking pag-iisip
(Di ko mailarawan,may pinupukaw ka sa'kin)
Subalit hindi...hindi ko kayang tanggapin
Na ito na nga'y pag-ibig, ni paghanga
(Pagka't panghahawakan ko ang tama)
Dahil tumitibok pa rin ang puso ko kahit wala ka
At patuloy pa rin akong nananaginip sa kalungkutan...
May 31, 2015
May 31, 2015 at 3:03 AM UTC
Hiniling ko sayo'y maging isang mabuting kaibigan
Kahit na sa aking puso'y higit dun ang asam
May 31, 2015
May 31, 2015 at 3:01 AM UTC
Sabi ko nga ba isa kang trahedya
dinadala mo ako sa masayang papalungkot na alaala
Na unti-unting pumapatay saking pagkatao
May 31, 2015
May 31, 2015 at 2:54 AM UTC
habang naririto ako
nakatingin sa karagatan
nakasalampak sa buhanginan
alaala mo ang tinatanaw
nadadarang ako
di sa init ng tirik na araw
kundi sa simoy na ibinubulong
ng 'king pusong nangungulila sayo
May 31, 2015
May 31, 2015 at 2:51 AM UTC
Naaalala kita ngayon
At nais sana kitang makausap
Sa text o kaya naman ay magpapansin
Sapagkat ngayo'y ako'y nakikinig ng kundiman
Habang pinagmamasdan ang nalalaglag na kalachuchi
Dito kung saan nakahimlay ang mga bayani
At ang damuha'y lango sa alak..
May 31, 2015
May 31, 2015 at 2:49 AM UTC