bidindra-basumatary
I was born on 1997, 13 April. I read in Class XII (Science). I like writing Poem and Short Story. I started Poem writing since 2012 when I was study in Class X. My aim in life is becomes to Teacher. I study hardly for my success. I from foor family. My Mother's name is Ramila Basumatary and Father's name is Sanaram Basumatary. I have one sister and two brothers. The name of my sister is Bidangshri Basumatary and two brothers name are Bijit & Laihwr. I write poem for joy in my life. My father is a farmer. I learn only Bodo language. But I'm trying for learn more language(English,Hindi,Bangali,Nepali,Assamese etc.). / / My God is "Brai Bathou" ! Shijou tree is in the here. Bathou have five principles. These five spiritual elements are Ong, Hring, Khling, Fwt and Che. / Poor doesn't destroy success of life ! / Poor made success in life ! / Man doesn't live without work !
-------------------------------
नों जोनोम लाफैनाय हरनि उनफ्राव
सिरि मोनगोन बिसोरबो सानसे
खोमसि हरखौ साजायगोन फोर्बोसालि बादि
जोंथि माथि रिथि रिथा
खुगा मुथेरोंगोन गेब्रेंनाय बाराव
खोमा हमथेनो सोलोंगोन गेब्रेंनाय सोदोबाव
गोग्गो देहा दानो सोलोंगोन ।
फुसनि हराव निहिरनि सोदोबाव
सोंख्रावनाय सैमाफोरनि दावरावाव
उन्दुलांनो हाया जागोन
गोर्बोफोराव गाजा खिलिगोन
बोथोरनिनो हालामाव
देलों देलों देरनो नाजागोन
सोमखोर सोमखोर गसंख्रांगोन
Dec 1, 2018
Dec 1, 2018 at 7:31 AM UTC
अननाय बेयो गोर्बोनि
आंगोनि आंगो सानना----
बे अननायननि खरागजों जों
खारदों आन्थोर आन्थोर
सोमखोर गसंथानो----
जिउनि बुब्लियाव----
******
आबादथिलियाव हाल एवना आबाद मावनो
आबादनि बेसेन दैखांनो
होनाय गोदै बिदिन्थियाव
जों ओंखारो आबाद थिलियाव
*********
साननायनि अनजिमा फारियाव
जों सोलोंयो-बिदिन्थियाव
फारि फारि साननो
आबादनि बेसेन हुखांनो।
*******
सोद्रोमथिनि खुद्रिनायाव
अहंनिफ्राय जों जानगारनो सोलोङो
अहिंसाथि लुबैनायाव ।
******
गासैबो दिन्थियाव जों गंग्लायो
सिबियो गंसे रेबगनजों।।
***
मान होयो दिनै दोंसे खन्थाइजों
नोंसोरनिनो मावदिन्थिजों
रेबगन गंसेनि लिरथिजों ।।।
Sep 4, 2016
Sep 4, 2016 at 8:45 PM UTC
मानास हाग्रामा सेर
दैसा रुगुंआव ओलैस्रो
दिदोम गसंना नायहरदों
दान्दिसे गोमोहाबना आं
लासैयै मोनहैब्ला साखाथि
सोलेरा समाइना आगरनि दखनाजों फांथेनाय
आरो आं "सोर" साननाङासै
खानाइ गोलाव मा हारि ?
खिन्थाबाय आंनो।
नाथाय साननांगौआ---
दायोसो देबोर नांदों---
बे हालोदनि, बे थासारिनि
जाथायनि थं गैया
सोरनि अगेन आखु
हाख'आखै बिजिरना संदाननो
अब्लाबो बुब्लिया सोंनो खावलायो आंनि गोसोआव
बिसोर नङाथ' ?
बैसोर नङाथ' ?
नङाबालाय सोरथो जानो ?
साननो गोनाङा बेबो---
सोलेराव नांनाय जेबो दागोयानो गैया
जानोहागौ जोंनि सुथुर---
जिनाहारि जुनार आखुजों
बेसेदि खास्रि बिस्रि !
बेखौ सानफ्रांनायाव सोलेरा गोजांस्रिव
मोदोमनि खोमोनफोर गसंख्राङो
मोन्थाइखौ सेख'ना लानो
गोसोआ खुन्द्रि खाङो।
बेफोर हालोदखौ नुनाब्लाबो
मानोदि गोर्बोआ अन्थाइ ??
मोन्थाइजों जुजिनाय उनफिननाय,सिगांनायनि उल्थायै।
बेसेदि मान हुखोमोरदों
"जोंनि बिमा हारिनि"
गावजों गाव दुसिलायनायावसो----
"गावजों-गाव मोसा"।
सहायबावनांगोन बेबादिनो इयुनाव
आरो नायबावनांगोन बेनिख्रुइ खास्रि-बिस्रि
सांग्रां नङाब्ला इयुननि नोजोराव।
मोननांगौआनो देरसिन मोन्थाइ
बेखौ खोमाना लानायानो पाप
पापआनो फोजोबस्रांलांनाय।
स'नानि मासि नोजोरथिनायाव
हारि-हादरखौ फानोब्ला
निमाहा होनायनि सम गैलिया
राज्योआ आखाइ सोमावोब्ला निजोरा बोहैयो
राज्योनि मोन्थाइखौ दाफान खर' गिदिरफोर
राज्योनि गेजेराव अर जोंखाङोब्ला---
खामब्लाबलांगोन नोंनि मासि
हांगारनिफ्राय-हाथफ्लासिम
इयुनाव आरो मोनफिननाय नङा।
खानाइ गोलावनि नुथाइयावनो
सानहोयो दिनै बयखौबो
बेयाव साननो रोङिया---
थाबावगोन जुनारनिख्रुइ जुनार आखुनि आरो मा ??
Apr 23, 2016
Apr 23, 2016 at 11:07 AM UTC
Jwimwi nwngni onsainaionwsw okha
Okhani mohoraosw swmkhwr abad
Okha gwiyabla khoran
Ranjringna lorhaigwn abad
Dalai bilai sirina swleralo longthongwi thagwn.
Nwng bekhou nunanwinw saglwbw okhrangao.
Angdi nwngkhou orai hasthaiyw sakhatiao
Raopwra nwngni sidwb gwdwi
Mohoradi nwngni bese somaina
Angni gwrbw swlera nwngni thakhainw thajim.
Nwng angni nwjwrnipry
Datha nwng anjraina,andw-andw.
Dabung nwng-
"Angkhou nwjwrthinangla nwng
Nwjwrthidw Angnikhrui bangsin
Jai hagwn nwngnw onnai hwnw
Agni onnaia jerao lwrbang".
Angni bikhayao saronthai.Thwisam.
Angdi mwnakhwi nwngnikhrui somainasin onnai
Nwngni onnaiadi lwrbang be jathaoa
Angni thakhai thajim onnai nwngni.
Angdi nwngkhoulo hasthaiyw.
Nwngnw orai angni nwjwrao oraithi.
Jan 28, 2016
Jan 28, 2016 at 11:59 PM UTC
Okhrangni nijwm bikayao
Birbainai jwmwi ranini mohorao
Angni ransrao gwrbwa
Lubwiyw bininw okha bilainai
Besedi hainari jwmwi anjali
Besedi ansuli jwmwi hainari
Sohainw hayi sun rwdakhou
Gaoni dokhona phaili arw gwswm khanaijwng
Pangte pangte ladwng
Jaini jahwnao angni ransrao gwrbwa
Aseblabw sudem mwndwng,dwimuni dwiaosw jenoba.
Birbaiyw nwng udangwi
Baidi moho lana nujatiyw
Som arw bwthwrjwng gwbalaina
Onsainai gwrbw gwrbw,nwngni guwar bikha.
Jan 11, 2016
Jan 11, 2016 at 5:10 AM UTC
गिबियावनो नों लोगोनिसिम
मिजिंथिनि गोर्बो खेंब्लाना
अननायनि बिदै सरग'आखैब्लाबा
आंगोनि होनना अनसायना सावसुबदो
दायो बिथ'राइ गोरलैखौनो
जोंनि आबाद थिलियाव सैमा फालो हाबफैना
फारसेनिफ्रायनो गाफायनो लानायनि खौरां
खौरांआ बिखा खामहोदों;
राहाखौबो मोन्दों होबथानायनि
नंगौ जों बेरा होथेनो हायो
नाथाय जों मानो गावस्रालायनाय गोसोनि
मावबा-मावना आबादखौ
दिनैसोलाय मानोथो हारसिं हारसिं
मानोथो रावबो औवा थसे लाना फैया
मानोथो थिलियाव रावबो नुजाफैया
बुजिनाय गोर्बोखौ बहा दोनखुमाखो
बासिलायनाय दुसिलायनाय मानो लाबोखो
बे आबादा दायो
बिथ'राइयावनो बायलांबा
बिनि गेरेमसा मिजिंआ फैमाल।
Jan 1, 2016
Jan 1, 2016 at 10:38 PM UTC
फुसनि निहिर
जोंथिदों फुंबिलिनि सोरां रोदाजों
दुब्रि हाग्रा समायदों।
आंनि नोजोरा
दायो नायगोमोदों,
सुदेम बुब्लियाव।
Dec 31, 2015
Dec 31, 2015 at 7:54 PM UTC
गोसो बिबार
थफियो बोथोराव समाव
गेवलाङो गोथार बार हुब्लिदनायजों समायना
मोदोमो अनथाव बोज'बथाव
हाबिला जोमैयाबो
बिरग्लांनो हाबिला जायो
उदां अख्रांनि बिखा नागिरना
उदाङै रंजा-मिनि बिरबायथिंनो।
थावरिनो हाया हाया मोनो
जोमै फाग्लाफोरनि साग्लोबनायाव।
दायो उदां अख्रांआव उदां गैया
दखरसे जोमैनि थाखाय
जेराव गैया गोजोननि जाख्रिसे अखा
गैया गोजोननि खुवा
दायो गोरलै फुलिफोरा रानज्रिंनो लादों
उखैनाय गांनाय सोलेरनि गाबख्रावनायजों।
Dec 27, 2015
Dec 27, 2015 at 10:58 PM UTC
सम सम मोदानो बिबारि फामे
सानजौफुनि गोरा सोरां रोदाजों
जोंथि-माथि दैनि गुथालजों
समाइयो हायनारियै आंनि बिखासे।
गुफुर उदांनि दुखारु दाउथु
फानजारिनि लामा मोनस' दाबो
बिरग्लांनायनि हाबिलाया जाफुंआखै दिनैबो
गोजोननि मिजिआं जोबथेजानाय सनालु।
हारि-माहारिनि हांगामायाव गोमालांनाय
खास्रि-बिस्रियै हां गोमानांनाय
जिउ बुलि दावहारुफोरा दाबोनो
सुथि मोनाखै जानांगौ अरायसेनो।
गोमो सिनि जाथाया दिनैबो
बारनि बुबथिंनायाव बिरनो हाख' जाबायदों
आरो सिदोब अखानि मेगन सानायजों
सुथि मोनाखै मुंख्लं जोहोलाउ-जोहालाउजो।
Dec 17, 2015
Dec 17, 2015 at 7:54 AM UTC
रंजालि बैसागोखौ बरायनानै,
सिम,
गिबियावनो बरायबाय गोदान बोसोर
रंजालि बैसागोखौ।
गोदान बोसोर रंजालि बैसागोनि
गाहाम हामलायनायखौ नोंनिसिम
आंनि गोसो गोर्बोनिफ्राय
गोथार मिजिंथिनायजों लोगोसेयै
जासिहरनाय थाबाय।
आफा बोराइ बाथौनियाव
हान्थुखराइयै आखाइ खबज'बै
आर'ज गाबो-
बे बोसोराव नोंनि जिउआ
खुसिजोंनो बाबेनलांथों।
नोंनि जिउआव अराय दुखु दाफैथों!
मिजिं थियो-
नों आरो नोंसिनि आइ-आफा आरो बिनानाव
गासैबो गाहामैनो दं।
लाइजामखौ नोंनिसिम दैथाइहरनायनि थांखिया बेनोदि-
गोदान बोसोरखौ बरायनायजों लोगोसे
नोंनिसिम गाहाम हामलारनारखौ जासिहरबाय।
एसेयावनो आंनि लोरबां आखाइनि
रेबगन हमनायखौ दोनथबाय।
मानोना दायो समनि आंखाल।
जोमनायाव लाइजामखौ दैथाइहरनायाव
आंहा गोरोन्थिफोर जादोंब्ला निमाहा बिनाय थाबाय।
आरो बेखौनो सिमान लायोदि
लाइजामनि रावफोरा-
इसेबो बिदै गोनां जायाखै।
मानोना आंहा-
लाइजाम लिरनायनि हुदा गैयामोन।
एसेयावनो गोजोन्थों
नोंनि साखाथियाव
बि दावगासार।
Dec 15, 2015
Dec 15, 2015 at 12:16 AM UTC